بۇل تۋرالى قالالىق تجد باسپا ءسوز قىزمەتى مالىمدەدى.
"قازگيدرومەت" رمك داۋىلدى ەسكەرتۋىنە بايلانىستى الماتى تۇرعىندارى مەن قوناقتارىنا بۇگىن، 2024 جىلدىڭ 8 قاڭتارىندا وڭتۇستىك استانادا تۇمان تۇسەتىنى ايتىلدى، دەپ حابارلايدى Almaty-akshamy.kz
"قالادا 8 قاڭتاردا تاڭەرتەڭ، كۇندىز جانە تۇسكى ۋاقىتتا تۇمان تۇسەدى دەپ بولجاندى"، - دەلىنگەن الماتى قالالىق توتەنشە جاعدايلار دەپارتامەنتىنىڭ حابارلاماسىندا.
وسىعان بايلانىستى وڭتۇستىك استانانىڭ توتەنشە جاعدايلار دەپارتامەنتى تۇماندى جاعدايدا كولىك جۇرگىزۋشىلەرىنە اسا ساق بولۋ كەرەكتىگىن ەسكە سالدى.
"مۇمكىن بولسا، ساپاردى كەيىنگە قالدىرىپ، اۋا-رايىنىڭ جاقسارۋىن كۇتكەن دۇرىس. ءبىز ءقاۋىپسىز جۇرگىزۋدىڭ باستى كەپىلى جىلدامدىقتى ايتارلىقتاي تومەندەتۋ ەكەنىن ەستە ۇستاۋىمىز كەرەك"، - دەدى دەپارتامەنتتەگىلەر.
سونداي-اق الماتى توتەنشە جاعدايلار دەپارتامەنتىندە تۋريستەر مەن دەمالۋشىلارعا تاۋلى ايماقتا بارلىق قاۋىپسىزدىك شارالارى مەن ءتارتىپتى ساقتاۋ ۇسىنىلدى.