ءبىلىم جارىسى وسى جىلدىڭ 8-13 قاڭتارى ارالىعىندا وتەدى.
وعان قازاقستان، ءازىربايجان، ارمەنيا، بەلارۋس، رەسەي، قىرعىزستان، وزبەكستان، بولگاريا، تاجىكستان، موڭعوليا، گرۋزيا، سەربيا، ءۇندىستان جانە رۋمىنيا سىندى الەمنىڭ 14 ەلىنەن 55 كوماندا، 600-گە جۋىق وقۋشى قاتىسادى، دەپ حابارلايدى Almaty-akshamy.kz.
وقۋ-اعارتۋ مينيسترلىگىنىڭ مالىمەتىنشە، وليمپيادانىڭ ماقساتى – دارىندى وقۋشىلاردى انىقتاۋ، ولاردى ينتەللەكتۋالدىق تۇرعىدا ودان ءارى دامىتۋ جانە كاسىبي باعدارلاۋ ءۇشىن جاعداي جاساۋ، وقۋشىلار اراسىندا فيزيكا، ماتەماتيكا جانە IT بىلىمدەرىن تاراتۋ جانە ناسيحاتتاۋ، سونداي-اق باسقا ەلدەردىڭ فيزيكا-ماتەماتيكالىق مەكتەپتەرىمەن حالىقارالىق ىنتىماقتاستىقتى دامىتۋ.
ەسكەرە وتەيىك، ءۇش جىل بويى ونلاين فورماتتا وتكىزىلگەن وليمپيادا بيىل وففلاين فورماتتا ۇيىمداستىرىلادى. جاۋتىكوۆ اتىنداعى حح حالىقارالىق وليمپيادانىڭ اشىلۋ جانە جابىلۋ سالتاناتى وسى جىلدىڭ 8 جانە 13 قاڭتارىندا Almaty Theatre-دە وتەدى.