بۇل كورسەتكىش بويىنشا تۋريستەر سانى 6،9 ملن ادامعا جەتكەن، بۇل پاندەمياعا دەيىنگى كەزەڭنەن جوعارى.
بۇل تۋرالى مادەنيەت جانە سپورت ۆيسە-مينيسترى ەرجان ەركىنبايەۆ پرەمەر-مينيستردىڭ ورىنباسارى ەرالى توعجانوۆتىڭ قاتىسۋىمەن وتكەن ۇكىمەت وتىرىسىندا مالىمدەدى، دەپ حابارلايدى Almaty-akshamy.kz Elorda.info-عا سىلتەمە جاساپ.
«EQonaq ستاتيستيكالىق دەرەكتەرىنە سايكەس، اپتا سايىن قازاقستانعا كەمىندە 11 مىڭ شەتەلدىك تۋريست كەلەدى. شەتەلدىكتەردى ورنالاستىرۋ ورىندارىندا تىركەۋ بويىنشا كوشباسشىلار: الماتى مەن نۇر-سۇلتان قالالارى جانە ماڭعىستاۋ وبلىسى. بيىلعى ناۋرىز ايىنان باستاپ ءوسىم 136%-دى قۇرادى»، – دەدى ۆيسە-مينيستر.
شەتەلدىك كەلۋشىلەر سانىنىڭ ءوسۋى حالىقارالىق اۋە قاتىناسىن قالپىنا كەلتىرۋمەن، ۆيزاسىز رەجيمدى ەنگىزۋمەن جانە ونى ىرىقتاندىرۋمەن تىكەلەي بايلانىستى.
سونداي-اق، كەڭەس اياسىندا ەرجان ەركىنبايەۆ جۇمساق ينفراقۇرىلىم، تۋريستەردىڭ قاۋىپسىزدىگى مەن سەرۆيس ساپاسىن ارتتىرۋ باعىتىندا اتقارىلعان جۇمىستار تۋرالى باياندادى.