قالا بويىنشا 9698 ادام جۇمىس بەرۋشىلەر ەسەبىنەن ۆاكسيناسيالانسا، 3651ادام ءوز قارجىسىنا ۆاكسينا سالدىردى.
وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا تۇرعىندار اراسىندا جرۆي مەن تۇماۋدىڭ الدىن الۋ جونىندە ايتىپ، ماڭىزدى تاقىرىپتى كوتەردى، - دەپ حابارلايدى almaty-akshamy.kz
ونىڭ كەلتىرگەن دەرەكتەرى بويىنشا، وتكەن اپتادا الماتى قالاسىندا جرۆي، تۇماۋ اۋرۋلارىنىڭ 23 995 جاعدايى تىركەلدى، 100 مىڭ تۇرعىنعا شاققانداعى كورسەتكىشى- 1121،81ء-ى قۇرايدى، بۇل كورسەتكىش وتكەن جىلدىڭ وسى كەزەڭىمەن سالىستىرعاندا 39،5% پايىزعا (33470 جاعداي) تومەن. بۇل اۋرۋمەن ناۋقاستانۋدىڭ 65،7%-ى بالالاردى قامتيدى. سونىمەن قاتار، بۇل ماۋسىمدا تۇماۋ جۇقتىرۋدىڭ 110 جاعدايى تىركەلدى.
«تۇماۋمەن سىرقاتتانۋدىڭ 110 جاعدايى تىركەلدى، ونىڭ ىشىندە «ۆ» تۇرىمەن - 109 جاعداي جانە «ا» تۇرىممەن (H3N2) -1 جاعداي، بارلىق ناۋقاستار ەم قابىلدادى، جاعدايلارى قاناعاتتانارلىق»، - دەپ اتاپ ءوتتى ءا.قالىقوۆا.
سپيكەر ۆاكسيناسيانىڭ حالىقتى تۇماۋ ۆيرۋسىن جۇقتىرۋدان قورعاپ قانا قويماي، اسقىنۋلار مەن ءولىم-جىتىم دەڭگەيىن ايتارلىقتاي تومەندەتۋگە كومەكتەسەتىنىن ەسكە سالدى. 2022 جىلعى 30 قاراشاداعى جاعداي بويىنشا تۇماۋعا قارسى 223 349 ادام ەگىلدى، ونىڭ ىشىندە 210 000 ادام «قاتەر توبىنا» (100%) جاتادى.
سونداي-اق، ول جەكە مەنشىك مەديسينالىق ورتالىقتاردا ءوز قالتاسىنان تولەپ، ەكپە العىسى كەلگەن باسقا تۇرعىندارعا جانە ءارتۇرلى سالالاردا ەڭبەك ەتەتىندەرگە جۇمىس بەرۋشىلەر ەسەبىنەن تۇماۋعا قارسى ەكپە جۇرگىزىلۋدە. تۇماۋدىڭ الدىن الۋ ماقساتىندا جەرگىلىكتى اكىمشىلىك ەسەبىنەن وسال توپتاعى تۇرعىنداردى (مەديسينا قىزمەتكەرلەرىن، مەديسينالىق ۇيىمداردا مەديسينالىق باقىلاۋعا جاتاتىن بالالاردى، التى ايدان اسقان كوپ اۋىراتىن بالالاردى، جەتىم بالالار مەن اتا-اناسىنىڭ قامقورلىعىنسىز قالعان بالالارعا ارنالعان ءبىلىم بەرۋ ۇيىمدارى، سابيلەر ۇيلەرى بالالارىن، مەديسينالىق-الەۋمەتتىك مەكەمەلەردىڭ (ۇيىمداردىڭ) قىزمەت الۋشىلارىن، جۇكتىلىكتىڭ 2ء-شى نەمەسە 3ء-شى تريمەسترىندە جۇكتى ايەلدەردى، جۇرەك - قانتامىرلىق جۇيەسىنىڭ جانە تىنىس الۋ مۇشەلەرىنىڭ سوزىلمالى اۋرۋلارى بار جانە ەپيدەميولوگيالىق كورسەتىمدەرى بويىنشا جىل سايىن تۇماۋعا قارسى ۆاكسيناسيالاۋعا جاتاتىندار) ۆاكسيناسيالاۋ جۇرگىزىلەدى»، - دەدى سەبد باسشىسىنىڭ ورىنباسارى.
جرۆي/تۇماۋمەن سىرقاتتانۋشىلىقتىڭ ءورشۋى كەزەڭىندە سپەسيفيكالىق پروفيلاكتيكادان باسقا ءا.قالىقوۆا قالا تۇرعىندارىنا سپەسيفيكالىق ەمەس پروفيلاكتيكانىڭ جالپى شارالارىن ساقتاۋدى ۇسىندى:
- جرۆي-مەن ناۋقاستانعان ادامداردان اۋلاق بولىڭىز، ال ەگەر بايلانىس ءسوزسىز بولسا، وندا ماسكا كيىپ، وكسولين مايىن قولدانىڭىز؛
- اۋرۋعا شالدىققان جاعدايدا ۇيدە بولۋ، ءوزىن-وزى ەمدەۋمەن اينالىسپاۋ، مەديسينا قىزمەتكەرىن شاقىرىپ، وتباسى ورتاسىندا نەمەسە ۇجىمدا بولعان كەزدە ماسكا كيۋ، دارىگەردىڭ تاعايىنداۋى بويىنشا ەم الۋ قاجەت؛
- تۇشكىرۋ جانە جوتەل كەزىندە اۋزىڭىزدى قولىڭىزبەن، مايلىقپەن، ورامالمەن جاۋىپ، قولىڭىزدى مۇمكىندىگىنشە ءجيى جۋىڭىز؛
- يممۋندىق جۇيەنى ارتتىرۋ: س ءۆيتامينىن جانە دارىگەردىڭ ۇسىنىسى بويىنشا باسقا دارى-دارىمەكتەردى قولدانۋ؛
- قاشىقتىقتى ساقتاۋ، كوپ ادام جينالعان ءىس-شارالارعا قاتىسۋدى ازايتۋ قاجەت، اسىرەسە جرۆي، تۇماۋ اۋرۋىنىڭ كوتەرىلۋى كەزەڭىندە، ءۇي-جايلاردى ىلعالدى تازالاۋ وتكىزىپ، جەلدەتۋ كەرەك؛
- سىرقاتتانعان بالالاردى ۇيىمداستىرىلعان ۇجىمدارعا، مەكتەپكە دەيىنگى بالالار مەكەمەلەرىنە جىبەرمەۋ.