بۇل تۋرالى الماتى قالاسى قوعامدىق دەنساۋلىق ساقتاۋ باسقارماسى ەپيدەميولوگيالىق باقىلاۋ ءبولىمىنىڭ باسشىسى ۆلاديمير يۋسۋپوۆ وڭىرلىك كوممۋنيكاسيالار قىزمەتىنىڭ بريفينگىندە ايتتى، دەپ حابارلايدى اlmaty-akshamy.kz.
«امبۋلاتوريالىق-ەمحانا جەلىسىندەگى مەديسينالىق ۇيىمداردا، ونىڭ ىشىندە جەكەمەنشىك مەديسينالىق ورتالىقتاردا تىركەلگەن تۇرعىنداردى كوروناۆيرۋستىق ينفەكسياعا قارسى ۆاكسيناسيالاۋ جانە ريەۆاكسيناسيالاۋ جالعاسۋدا. ءقازىر قالادا كازۆاك جانە سينوفارم ۆاكسينالارى قولدانىلۋدا، بۇگىننەن باستاپ تۇرعىنداردى پفايزەر ۆاكسيناسىمەن يممۋنداۋ جوسپارلانۋدا»، - دەدى ول ءوز بايانداماسىندا.
جالپى، 2021 جىلدىڭ 1 اقپانىنان باستاپ ۆاكسيناسيا باستالعاننان بۇگىنگى كۇنگە دەيىن اياقتالعان ۆاكسيناسيا كۋرسىمەن 1 313 040 ادامنىڭ 1 ملن 221 مىڭ 152ء-سى قامتىلدى، بۇل 93 پايىزدى قۇرايدى. قالعاندارى قازاقستان رەسپۋبليكاسىنان كەتكەندىكتەن، ەكپە الماعان بولۋى مۇمكىن. ولاردىڭ اراسىندا ەكىنشى دوزامەن ۆاكسيناسيالاۋ كەزىندە ۆاكسيناسياعا قارسى كورسەتىلىمدەرى بارلارى دا انىقتالعان (جۇكتىلىك، جاڭادان انىقتالعان اۋرۋلار جانە ت.ب.). ۆاكسيناسيانىڭ تولىق كۋرسىمەن 640069 ادام ريەۆاكسيناسيالاندى.
«بۇگىنگى تاڭدا قالانىڭ مەديسينالىق ۇيىمدارىنىڭ بالانسىندا "كازۆاك" ۆاكسيناسىنىڭ 7416 دوزاسى، SinofarmVeroCell ۆاكسيناسىنىڭ 5633 دوزاسى جانە "پفايزەر" ۆاكسيناسىنىڭ 25 740 دوزاسى بار»، - دەپ تۇيىندەدى ول.