وڭتۇستىك كورەيا ازاماتى ءوزىن تايلاندتا جوعالىپ كەتتى دەپ اقشا تاپپاق بولعان، الايدا پايدانىڭ ورنىنا باسى داۋعا قالدى، دەپ حابارلايدى اlmaty-akshamy.kz Tengritravel.kz-كە سىلتەمە جاساپ.
ب ا ق مالىمەتىنشە، 24 جاستاعى كيم حەنحيل پاتتاييادان كورەياعا ۇشۋ كەرەك بولاتىن، ءبىراق، ونىڭ ورنىنا ءوزىن ۇرلاپ كەتتى دەپ كورسەتپەك بولعان.
«ەر ادام اتا-اناسىنا قوڭىراۋ شالىپ، ءوزىن بىرەۋلەر اۋەجايدا ۇستاپ الىپ كەتىپ، اقشا تالاپ ەتىپ جاتقانىن ايتقان. وسىدان كەيىن ول بايلانىسقا شىقپاي قويعان، ال الاڭداعان تۋىستارى تايلاندتاعى كورەي ەلشىلىگىنە حابارلاسقان. سونداعى ەر ادامنىڭ بار ماقساتى تايلاندتا ۇزاعىراق قالىپ، سۇيىكتىسىن وڭاي اقشامەن قامتاماسىز ەتۋ بولعان ەكەن»، – دەپ جازادى باسىلىم.
الايدا پوليسيا ۇزاماي-اق حەنحيلدى ۇيىندە وتىرعان جەرىنەن تاپقان. ەر ادام قاشۋعا تىرىسقانىمەن قولعا ءتۇسىپ، قاماۋعا الىندى. ەندى وعان قاتىستى مەرزىمىنەن 497 كۇن اسىپ كەتكەن ۆيزا ءۇشىن ءىس قوزعالدى.
ەندى تاي ەلىنىڭ زاڭى بويىنشا كيم ايىپپۇل ارقالاپ، ەلدەن شىعارىلادى جانە تايلاندقا قايتا كىرەتىن بولسا، قارا تىزىمگە ەنەدى.