«سيفرلىق نوتاريات» پيلوتتىق جوباسى ىسكە قوسىلدى.
ەندى قازاقستاندىقتار سەنىمحاتتاردىڭ بارلىق تۇرلەرىن نوتاريۋسقا بارماي-اق، Egov mobile ارقىلى ونلاين فورماتتا راسىمدەي الادى. جاڭا سيفرلىق جوبانى ادىلەت جانە سيفرلىق دامۋ، يننوۆاسيالار جانە اەروعارىش ونەركاسىبى مينيسترلىكتەرى بىرلەسىپ قولعا الىپ وتىر، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
سيفرلىق نوتاريات، اسىرەسە، شەتەلدە جۇرگەن ازاماتتارعا ىڭعايلى. ول ءۇشىن قوسىمشاعا كىرىپ، نوتاريۋسقا بەينەقوڭىراۋ شالۋ جەتكىلىكتى. ايتا كەتسەك، بولاشاقتا مۇنداي قىزمەت ەكىنشى دەڭگەيلى بانكتەردىڭ قوسىمشالارىندا دا پايدا بولادى.
«نوتاريۋستاردىڭ جۇمىسسىز قالادى دەگەن جالعان ءسوز. Egov mobile قارىم-قاتىناستى جەڭىلدەتەدى. ۇيدە وتىرىپ، شەتەلدە وتىرىپ-اق قىزمەت الۋعا بولادى»، - دەيدى ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين.