الماتىدا ەسىرتكىگە ماسايعان موتوسيكل جۇرگىزۋشى ۇستالدى

تيميريازيەۆ پەن جاروكوۆ كوشەلەرىنىڭ قيىلىسىندا “بۋران-126” پاترۋلدىك ەكيپاجى اپاتتىق جاعداي جاساعان موتوسيكلشىنى بايقاپ قالعان.

ءتارتىپ ساقشىلارىنىڭ توقتا دەگەن زاڭدى تالاپتارىنا باعىنباعان جاس جىگىت قاشىپ كەتپەك بولعان. الايدا بەكەر. پاترۋلدىك قىزمەتكەرلەر ونى ليەۆيتان كوشەسىندە توقتاتتى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«موتوسيكلشىنىڭ مىنەز-قۇلقى جول قوزعالىسىنا قاتىسۋشىلار ءۇشىن وتە ءقاۋىپتى بولدى. مەديسينالىق ساراپتاما ونىڭ ەسىرتكىگە ماس بولعانىن انىقتادى. قۇقىق بۇزۋشى كولىك قۇرالىن باسقارۋدان ايىرىلىپ، ق ر اقبتك-نىڭ 608-بابى 6ء-بولىمى جانە ق ر اقبتك-نىڭ 596-بابى 5-بولىگى، ق ر اقبتك-نىڭ 606-بابى 1-بولىگى، ق ر اقبتك-نىڭ 613-بابى 1-بولىگى، ق ر اقبتك-نىڭ 230-بابى 1-بولىگى بويىنشا اكىمشىلىك جاۋاپكەرشىلىككە تارتىلدى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.

ول سونداي-اق شەشىم قابىلداۋ ءۇشىن ءوندىرىس ماتەريالدارى الماتى قالاسى بويىنشا مامانداندىرىلعان اۋدانارالىق اكىمشىلىك سوتىنا جىبەرىلەتىنىن ايتتى. ەكى دوڭگەلەكتى كولىك ايىپپۇل تۇراعىنا قويىلدى.