«جاڭا قازاق ادەبيەتى» جوباسى: بيىل 14 كىتاپ باسىلىپ شىعادى.
ارحيۆ ىستەرى جانە قۇجاتتامانى باسقارۋ كوميتەتىنىڭ باسپا ءىسى باسقارماسىنىڭ باسشىسى الماز مىرزاحمەت «جاڭا قازاق ادەبيەتى» جوباسى تۋرالى ايتتى، دەپ جازادى اlmaty-akshamy.kz/ BAQ.KZ -كە سىلتەمە جاساپ.
«جاڭا قازاق ادەبيەتى» - بۇرىن ەشبىر جەردە جاريالانباعان وتە قۇندى ەڭبەكتەر. ءبىز بۇل كوركەم ادەبيەتتەر مەن رۋحاني ءارى ەلەۋلى قۇبىلىستارعا ارنالعان كىتاپتاردى بولەك سەريامەن شىعارۋدى قولعا الدىق. بىلتىر وسى باستامامەن 10 كىتاپتى جارىق كوردى. ول ون كىتاپ 30 مىڭ دانامەن باسىلىپ، ەلىمىزدىڭ تۇپكىر-تۇپكىرىنە تارادى. بيىل 14 كىتاپتى «جاڭا قازاق ادەبيەتى» سەرياسىمەن شىعارامىز، - دەدى الماز مىرزاحمەت.
مىرزاحمەتتىڭ ايتۋىنشا، باستاما جاس قالامگەرلەردىڭ ەسىمىن تانىتىپ، ادەبي تۋىندىلارىمىزدى بايىتىپ جاتىر.
ماسەلەن، سەريادا ءاليا داۋلەتبايەۆا، قانات ءابىلقايىر جانە كەيىنگى جىرلارىمەن حالىقتىڭ ىستىق ىقىلاسىنا بولەنگەن مارالتاي رايىمبەك ۇلىنىڭ ەڭبەكتەرى بار. ءبىز بيىل كوكتەمدە "جاڭا قازاق ادەبيەتى" سەرياسىمەن شىققان كىتاپتاردىڭ تۇساۋكەسەرىن وتكىزۋدى جوسپارلاپ وتىرمىز. مينيسترلىكتىڭ جوباسىنا پرەزيدەنتتىڭ ءوزى كەلەدى دەپ كۇتىلۋدە. ودان بولەك، ەلىمىزدىڭ بەلگىلى جازۋشىلارى مەن اقىندارىن شاقىرىپ، جىر جارمەڭكەسىن جاساعىمىز كەلەدى، - دەدى ول.