تۇرمىستىق زورلىق-زومبىلىق پروفيلاكتيكاسى – ەلىمىزدىڭ وتباسىلىق-دەموگرافيالىق ساياساتىنىڭ وزەكتى ماسەلەسى.
قازاقستاندا جىلىنا پوليسياعا تۇرمىستىق زورلىق-زومبىلىق تۋرالى 100-گە جۋىق ءوتىنىش كەلىپ تۇسەدى، دەپ حابارلايدى Almaty-akshamy.kz.
تۇرمىستىق زورلىق-زومبىلىق پروفيلاكتيكاسى – ەلىمىزدىڭ وتباسىلىق-دەموگرافيالىق ساياساتىنىڭ وزەكتى ماسەلەسى. زورلىق-زومبىلىقتىڭ ءوسۋى قوعام مەن جەكە ادامنىڭ قاۋىپسىزدىگىنە تىكەلەي اسەر ەتەدى.
«بۇل سالادا پروبلەمالار بار ەكەنىن مويىنداۋىمىز كەرەك. ءقازىر قوعام وزگەردى. زورلىق-زومبىلىق قۇرباندارى مۇنداي فاكتىلەردى اشىق ايتاتىن بولدى. ناتيجەسىندە سوڭعى بەس جىلدا مۇنداي فاكتىلەر بويىنشا وتىنىشتەر سانى 3 ەسەگە ءوستى. سونىمەن بىرگە، ولاردىڭ 60%-ى بويىنشا پوليسيا جابىرلەنۋشىلەردىڭ ءوتىنىش بەرۋدەن باس تارتۋىنا بايلانىستى شارا قولدانا المادى. ونسىز قولدانىستاعى زاڭناماعا سايكەس، پوليسيا قىزمەتكەرى “ءۇي تيراندارىن” جاۋاپقا تارتا المايدى. ناتيجەسىندە جازاسىزدىق جۇگەنسىزدىككە اكەلىپ سوعادى. قول جۇمساۋ ادەتكە اينالدى دەسەك تە بولادى. دەمەك، ودان دا اۋىر زارداپتار تۋىپ، سالدارىنان وتباسى-تۇرمىستىق سالادا اۋىر قىلمىستار ورىن الىپ جاتىر. مىسالى، بيىلعى جىلدىڭ وزىندە تۇرمىستىق جانجالدا 18 كىسى ءولتىرۋ جاسالدى»، – دەپ حابارلادى ق ر ءىىم اپك-نىڭ ەرەكشە تاپسىرمالار جونىندەگى اعا ينسپەكتورى اقمارال سەرىكبايەۆا.