ق ر ۇلتتىق مۋزەيىنىڭ ەكس-ديرەكتورى ارىستانبەك مۇحامەديۇلىن قاماۋدا ۇستاۋ مەرزىمى 2 ايعا ۇزارتىلدى، دەپ حابارلايدى Almaty-akshamy.kz.
«13 اقپاندا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى ا. مۇحامەدي ۇلىنىڭ قاماۋدا بولۋ مەرزىمىن 2 ايعا ۇزارتتى»، - دەپ مالىمدەدى ەلوردانىڭ مامانداندىرىلعان اۋدانارالىق تەرگەۋ سوتى.
ەسكە سالساق، 2022 جىلعى 29 مامىردا ارىستانبەك مۇحامەدي ۇلى بيۋدجەت قاراجاتىن جىمقىردى دەگەن كۇدىكپەن قاماۋعا الىندى.
انتيكور ۇلتتىق مۋزەيدىڭ بۇرىنعى باسشىسىنا «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ جونىندەگى مەملەكەتتىك ساتىپ الۋ تۋرالى شارت اياسىندا 146 ميلليون تەڭگە سوماسىندا بيۋدجەت قاراجاتىن جىمقىردى دەگەن ايىپ تاقتى.
سونىمەن قاتار، وتكەن ايدا ا.مۇحامەدي ۇلىنىڭ ىسىنە قاتىسى بار دەگەن كۇدىكپەن «ق ر ۇلتتىق مۇراجايى» رمقك ديرەكتورىنىڭ بۇرىنعى ورىنباسارى ا.ش.نۇرازحان ۇستالدى.
انتيكور مالىمەتىنشە، ەكس-ورىنباسارى ا.مۇحامەديۇلىمەن جانە باسقالارمەن ءسوز بايلاسىپ، «الەم مۇراجايلارى بويىنشا التىن ادامنىڭ شەرۋى» حالىقارالىق كورمەسىنىڭ جوباسىن ىسكە اسىرۋ كەزىندە 221 ميلليون تەڭگە سوماسىندا سەنىپ تاپسىرىلعان بيۋدجەت قاراجاتىن ۇرلاۋعا قاتىسقان.