بارلىعى 500 تەكسەرۋ جۇرگىزىلدى.
وڭىرلىك كوممۋنيكاسيالار قىزمەتىنىڭ ەسەپ بەرۋ بريفينگىنە قازاقستان رەسپۋبليكاسى ساۋدا جانە ينتەگراسيا مينيسترلىگى تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتىنىڭ باسشىسى ساۋىقبەك قاپايەۆ قاتىستى، دەپ حابارلايدى Almaty-akshamy.kz
ول 2022 جىلعا ارنالعان نەگىزگى ءىس-شارالاردىڭ قورىتىندىسىن جاريالادى.
دەپارتامەنتتىڭ باستى مىندەتتەرىنىڭ ءبىرى: مەملەكەتتىك ساياساتتى ىسكە اسىرۋ جانە تەحنيكالىق رەتتەۋ، سايكەستىكتى باعالاۋ سالاسىندا ولشەم بىرلىگىن قامتاماسىز ەتۋ جانە اككرەديتتەۋ سالالارىندا، سونداي-اق اسىل تاستاردى، زەرگەرلىك بۇيىمداردى جانە باعالى مەتالدار مەن اسىل تاستاردان جاسالعان باسقا دا بۇيىمداردى ساتۋ كەزىندە مەملەكەتتىك باقىلاۋدى جۇزەگە اسىرۋ بولىپ تابىلاتىنىن اتاپ وتكەن ءجون.
2022 جىلدىڭ 12 ايىنىڭ قورىتىندىسى بويىنشا، ق ر سيم تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتى (بۇدان ءارى – دەپارتامەنت) بارلىعى 500 تەكسەرۋ جۇرگىزدى، ونىڭ ىشىندە 39 – سۋبەكتىگە (وبەكتىگە) بارۋمەن پروفيلاكتيكالىق باقىلاۋ جانە قاداعالاۋ، 415 – سۋبەكتىگە (وبەكتىگە) بارماي-اق پروفيلاكتيكالىق باقىلاۋ جانە قاداعالاۋ، 46 – جوسپاردان تىس تەكسەرۋلەر.
جۇرگىزىلگەن 427 تەكسەرۋدە قازاقستان رەسپۋبليكاسىنىڭ تەحنيكالىق رەتتەۋ، اككرەديتتەۋ جانە ولشەم بىرلىگىن قامتاماسىز ەتۋ سالاسىنداعى زاڭناماسىن بۇزۋ فاكتىلەرى انىقتالدى، بۇل جۇرگىزىلگەن تەكسەرۋلەردىڭ جالپى سانىنىڭ 85% قۇرادى
«پروفيلاكتيكالىق باقىلاۋ جۇرگىزۋ بارىسىندا ءونىمدى وتكىزۋ ساتىسىندا تەحنيكالىق رەتتەۋ سالاسىنداعى زاڭنامانى بۇزۋشىلىقتار انىقتالدى. اتاپ ايتقاندا، كەيبىر كاسىپكەرلىك سۋبەكتىلەرى تەحنيكالىق رەگلامەنتتەردىڭ تالاپتارىنا سايكەس كەلمەيتىن ونىمدەردى (لاك-بوياۋ ماتەريالدارى، تنپ، ونەركاسىپتىك تاۋارلار، اۆتوكولىك قۇرالدارى، مۇناي ونىمدەرى، موتور مايلارى، ءموبيلدى قۇرىلعىلار جانە ت.ب.) ساتۋدى جۇرگىزدى. نەگىزگى جانە ءجيى كەزدەسەتىن بۇزۋشىلىقتار: ءونىمدى تاڭبالاۋ جونىندەگى تالاپتاردى ساقتاماۋ بولىگىندە، مەملەكەتتىك جانە ورىس تىلدەرىندە اقپاراتتىڭ بولماۋى، ەاس بەلگىسىنىڭ بولماۋى، سونداي-اق سايكەستىكتى باعالاۋ تۋرالى قۇجاتتارسىز (سايكەستىك سەرتيفيكاتتارى، سايكەستىك تۋرالى دەكلاراسيالار) سايكەستىكتى راستاۋعا جاتاتىن ونىمدەردى وتكىزۋ بولىپ تابىلادى. (سۋلپاك ساۋدا ءۇيى «ارەنا S» ج ش س، تەحنودوم، مەچتا، «كومپاس» ججقب «نوۆايا ازس» ج ش س، «دين» ج ش س، «كومفورت» ج ش س، «ستيك» ج ش س، «كازترانسكارگو» ج ش س، «اريماكس» ج ش س جانە ت.ب»، - دەپ اتاپ ءوتتى س.قاپايەۆ.
سونداي-اق، جىل ىشىندە دەپارتامەنتتىڭ اتىنا ءونىمنىڭ تر جانە نقا تالاپتارىنا سايكەستىگىنە قاتىستى كوپتەگەن حاتتار مەن وتىنىشتەر كەلىپ تۇسەدى. مىسالى، «قازاقستان اۆتوحيمياسىن وندىرۋشىلەر مەن تۇتىنۋشىلار قاۋىمداستىعى» زتب وتىنىشتەرى بويىنشا تەحنيكالىق رەگلامەنتتەردە جانە نورماتيۆتىك قۇقىقتىق اكتىلەردە بەلگىلەنگەن تالاپتارعا سايكەس كەلمەيتىن كولىك قۇرالدارى ءۇشىن سالقىنداتقىش سۇيىقتىقتاردى اينالىمعا شىعارعانى ءۇشىن ق ر اقبتك-نىڭ 415-بابى بويىنشا 7 اكىمشىلىك ءىس قوزعالدى. ايتا كەتۋ كەرەك، نەگىزىنەن اككرەديتتەلگەن سىناق زەرتحانالارىنىڭ ناقتى الىنعان دەرەكتەرىمەن قاپتامادا كورسەتىلگەن مۇزداتۋ تەمپەراتۋراسىنىڭ بولىگىندە سايكەسسىزدىك انىقتالعان. قاراۋ ناتيجەلەرى بويىنشا جالپى سوماسى 3 248 310،5 تەڭگەگە اكىمشىلىك ايىپپۇلدار سالىندى.
ۋاكىلەتتى ورگاننىڭ قاتىناستارىندا تاۋارلاردىڭ شىعۋ تەگى تۋرالى سەرتيفيكاتتار بەرگەنى ءۇشىن 2 جوسپاردان تىس تەكسەرۋ جۇرگىزىلدى، سونداي-اق دەپارتامەنتتىڭ اكىمشىلىك قۇقىق بۇزۋشىلىقتارى تۋرالى قوزعالعان ماتەريالدار نەگىزىندە الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ تاۋاردىڭ شىعۋ تەگى تۋرالى سەرتيفيكات الۋ ءۇشىن ساراپتاما اكتىلەرىن بەرۋ ءتارتىبىن بۇزعانى ءۇشىن تاۋاردىڭ شىققان ەلىن ايقىنداۋ بويىنشا 7 ساراپشى-اۋديتورعا جالپى سوماسى – 165 402 تەڭگە (ورىندالدى) اكىمشىلىك ايىپپۇلدار سالىندى، 6 اي مەرزىمگە ساراپشى-اۋديتورلاردىڭ اتتەستاتتارىن توقتاتا تۇرۋمەن جانە زاڭدى تۇلعاعا 1 اي مەرزىمگە قىزمەتىن توقتاتا تۇرا وتىرىپ، 91 890 تەڭگە (ورىندالدى) مولشەرىندە اكىمشىلىك ايىپپۇل سالىندى.
2022 جىلدىڭ 12 ايىندا باقىلاۋ سۋبەكتىلىسىنە بارۋ ارقىلى پروفيلاكتيكالىق باقىلاۋ جۇرگىزىلدى، سونداي-اق الماتى قالاسىنىڭ پروكۋراتۋراسىمەن جانە الماتى گارنيزونىنىڭ اسكەري پروكۋراتۋراسىمەن جوسپاردان تىس جانە بىرلەسكەن تەكسەرۋلەر جۇرگىزىلدى، ولشەم بىرلىگىن قامتاماسىز ەتۋ سالاسىنداعى ق ر زاڭناماسىنىڭ تالاپتارىن ساقتاۋ مانىنە بارلىعى 39 سۋبەكت تەكسەرىلدى. ونىڭ قورىتىندىسى بويىنشا 22 جاعدايدا ق ر «ولشەم بىرلىگىن قامتاماسىز ەتۋ تۋرالى» زاڭىن بۇزۋشىلىقتار انىقتالدى.
تەكسەرىلگەن 30047 ولشەم قۇرالدارىنىڭ 717 بىرلىگى بەلگىلەنگەن تارتىپپەن كەزەكتى سالىستىرىپ-تەكسەرۋدەن وتپەگەن (مەديسينالىق مەكەمەلەر، اسكەري بولىمدەر، ساۋدا نۇكتەلەرى، الەۋمەتتىك قورعاۋ وبەكتىلەرى، حالىقارالىق اۋەجاي، اۆتوجانارماي قۇيۋ ستانسيالارى جانە ت. ب.) قولدانۋعا جارامسىز دەپ تانىلدى. مىسالى: كەيبىر مەديسينالىق مەكەمەلەردە ەلەكتروكارديوگرافتار، تارازىلار، قان قىسىمىن ولشەيتىن قۇرالدار، ۋلترادىبىستىق اپپاراتتار، توسەك جانىنداعى مونيتورلار، مەحانيكالىق جەلدەتۋ اپپاراتتارى، دەفيبريلياتورلار جانە ت. ب. سياقتى قۇرالدار سالىستىرىپ-تەكسەرۋ ۋاقىتى ءوتىپ كەتكەننەن كەيىن پايدالانىلدى، سونداي-اق، جانارماي قۇيۋ ستانسيالارىندا اقاۋلى وتىن تاراتۋ كولونكالارىن قولدانۋ فاكتىلەرى انىقتالدى، بۇل ءار 20 ليترگە 170-تەن 250 مل-گە دەيىن جانارماي قۇيماۋعا اكەلدى. تاعى ءبىر مىسال، ءسۇت ونىمدەرىن ءىرى ساتۋشىنىڭ ءبىر ساۋدا نۇكتەسىندە تاۋاردى بەلگىلەنگەن تارتىپپەن سالىستىرىپ-تەكسەرىلمەگەن تارازىلاردا ولشەپ-وراۋ جانە ساتۋ فاكتىلەرى انىقتالدى، بۇل تۇتىنۋشىلاردىڭ ءونىم سالماعىنا الداۋىنا اكەلدى. ساتۋشىعا 1600 اەك مولشەرىندە اكىمشىلىك ايىپپۇل سالىندى، بۇل 4 900 000 تەڭگەنى قۇرايدى.
جوعارىدا كورسەتىلگەن بۇزۋشىلىقتار ءۇشىن «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 419-بابى 1-تارماعىنىڭ 2-تارماقشاسىنا سايكەس، 6 زاڭدى جانە جەكە تۇلعاعا قاتىستى اكىمشىلىك قۇقىق بۇزۋشىلىق تۋرالى حاتتامالار جاسالدى. وسى 6 لاۋازىمدى تۇلعالار قىسقارتىلعان تۇردە ايىپپۇل سوماسىنىڭ 50% - جالپى سوماسى 6 048 225 تەڭگە تولەدى. تەكسەرۋ ناتيجەلەرى بويىنشا انىقتالعان بۇزۋشىلىقتاردى جويۋ تۋرالى نۇسقامالار مەن ۇسىنىمدار بەرىلدى. ناتيجەسىندە كاسىپكەرلىك سۋبەكتىلەرى تاراپىنان انىقتالعان بۇزۋشىلىقتاردى جويۋ تۋرالى راستايتىن ماتەريالداردى ۇسىنا وتىرىپ، بۇزۋشىلىقتار تولىق كولەمدە جويىلدى.