بۇل تۋرالى قازاقستانداعى ادام قۇقىقتارى جونىندەگى ۋاكىل كەڭسەسى مالىمەتىندە ايتىلعان.
اتاپ ايتقاندا، ءقازىر ۋاكىل كەڭسەسى تۇرمىستاعى ءارى وتباسىنداعى زورلىق-زومبىلىق پەن ايەلدەردىڭ قۇقىقتارىن بۇزۋ ماسەلەلەرىنە تالداۋ جۇرگىزىپ جاتىر، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇل ماسەلە بۇكىل الەمدە وتە وزەكتى. 736 ميلليون ايەل ءتۇرلى زورلىق-زومبىلىققا ۇشىرادى. ونىڭ 640 ميلليوننان استامى (87%) - 15 جاستان اسقان قىزدار مەن ايەلدەر. تەك كەيىنگى ەكى جارىم جىلدا ەلىمىزدە وتباسىنداعى اگرەسسورلار 300 ادامنىڭ ولىمىنە سەبەپكەر بولدى. دەنساۋلىققا اۋىر زيان كەلتىرۋدىڭ 913، ال دەنساۋلىققا ورتاشا زيان كەلتىرۋدىڭ 837 جاعدايى تىركەلدى. 37 مىڭنان استام ادام ءتۇرلى جاۋاپكەرشىلىككە تارتىلدى»، - دەلىنگەن ۋاكىل كەڭسەسى مالىمەتىندە.
ساراپشىلاردىڭ ايتۋىنشا، تۇرمىستاعى زورلىق-زومبىلىقتىڭ نەگىزگى سەبەپتەرىنە الەۋمەتتىك-ەكونوميكالىق فاكتورلار جانە قوعامداعى گەندەرلىك ستەرەوتيپ ماسەلەسى اسەر ەتىپ وتىر.