ەلىمىزدە الماتى ەكونوميكالىق "دونور" ىسپەتتى.
جان جاقتان كەلگەندەر تابىس تاۋىپ، جاعدايىن جاقسارتقىسى كەلەدى. وڭاي جەردە تابىس جوق. قانشا تابىس تاپساڭدا ادال بولعانى ءجون. جان-جاعىڭا زيانىڭ تيمەۋى كەرەك. اقساي 4 ىقشام اۋدانىندا ورىن تەپكەن «تەراسسا» دەگەن كاۋاپحانا يەگەرلەرى اقشاعا قۇنىققانى سونشا تۇرعىنداردىڭ شاعىمىن پىسقىرماعان. ويتكەنى، كاۋاپحانادان كۇنى-تۇنى شىققان تۇتىننەن اينالاسىنداعى تۇرعىندار تەرەزەسىن اشۋدان قالعان. كاۋاپحانادان شىققان ءتۇتىن كوپقاباتتى ۇيلەردىڭ اراسىن تۇمشالاپ، تۇرعىنداردىڭ تاماعىن قىشىتاتىن بولعان. كومەك سۇراعان ەل الەۋمەتتىك جەلى ارقىلى ۆيدەو جولدادى. ماسەلەگە قاتىستى بىزدە ارناۋلى ورىندارعا حابارلاسىپ، جاعدايدى قالاي شەشۋگە بولاتىنىن سۇرادىق.
ءبىز اتالعان كاۋاپحاناعا ارنايى بارىپ، جاعدايمەن تانىستىق. ولاردىڭ ارەكەتتەرىنە بايلانىستى ارنايى حاتتاما تولتىردىق. ەندى ولار ەكى اپتا مەرزىم ىشىندە قورشاعان ورتاعا زيانىن كەلتىرمەۋ ماقساتىندا ارنايى سۇزگىلەردى ساتىپ الىپ قويۋعا ۋادە بەردى. بۇل جاعداي ءبىزدىڭ باقىلاۋىمىزدا بولادى، -دەدى الماتى قالاسى پوليسيا دەپارتامەنتى جانىنداعى جەرگىلىكتى پوليسيا قىزمەتىنىڭ اعا ينسپەكتورى پوليسيا مايورى كارپىكوۆ نۇرلان حايدار ۇلى.
بۇگىنگى تاڭدا قالا ەكولوگيا ماسەلەسى مەملەكەت باسشىسىنىڭ نازارىندا. مەگوپوليستىڭ ەكولوگيالىق احۋالىن جاقسارتۋ ءۇشىن بارلىق مۇمكىندىكتەردى پايدالانىپ، اۋا لاستانۋعا جول بەرمەۋدى تاپسىرعان بولاتىن. سوندىقتان اۋا قاباتىنا قاتتى زيانى تيەتىن وسىنداي ورىنداردا قاداعالاۋ جۇمىستارى جۇرگىزىلىپ تۇرعانى ابزال. كاسىپكەر ايتقان ۋادەسىندە تۇرادى دەگەن سەنىمدەمىز!