ۋاقىتشا تىيىم 2024 جىلدىڭ 12 ساۋىرىنەن باستاپ 6 اي مەرزىمگە ەنگىزىلەدى.
اۋىل شارۋاشىلىعى ءمينيسترىنىڭ 2024 جىلعى 11 ساۋىردەگى №125 بۇيرىعىمەن بيدايدى قازاقستان رەسپۋبليكاسىنا، ونىڭ ىشىندە ەاەو-عا مۇشە مەملەكەتتەردەن تەك قانا ءوندىرىس پەن تۇتىنۋ ءۇشىن قۇس شارۋاشىلىعى جانە ۇن تارتۋ كاسىپورىندارىنىڭ اتىنا تەمىر جول كولىگىمەن جەتكىزۋدى قوسپاعاندا، اۆتوموبيل، سۋ جانە تەمىر جول كولىگىمەن اكەلۋگە تىيىم سالۋ بەلگىلەندى، دەپ حابارلايدى Almaty-akshamy.kz اۋىل شارۋاشىلىعى مينيسترلىگىنە سىلتەمە جاساپ.
تىيىم قازاقستان اۋماعى ارقىلى بيدايدى تەمىر جول كولىگىمەن ترانزيتتىك تاسىمالداۋعا جانە ۇن تارتۋ مەن قۇس شارۋاشىلىعى كاسىپورىندارىنا بيدايدى اكەلۋگە قولدانىلمايدى.
اكەلىنگەن بيداي ىشكى جانە سىرتقى نارىقتاردا ساتۋعا جاتپايدى.