ق ر ونەركاسىپ جانە قۇرىلىس مينيسترلىگى تۇرعىن ءۇي جاعدايلارىن جاقسارتۋ ءۇشىن ءبىرجولعى زەينەتاقى تولەمدەرىن پايدالانۋدىڭ قولدانىستاعى ەرەجەلەرىنە وزگەرىستەر ەنگىزۋدى ۇسىنادى.
اعىمداعى جىلدىڭ 1 قاڭتارىنداعى جاعداي بويىنشا 135 مىڭعا جۋىق ازامات ءوز قاراجاتىن ءبىرجولعى زەينەتاقى تولەمدەرىنەن «وتباسى بانك» اق دەپوزيتتەرىنە جۇمسادى جانە وسى ۋاقىتقا دەيىن يپوتەكالىق تۇرعىن ءۇي قارىزدارىن رەسىمدەگەن جوق، دەپ حابارلايدى Almaty-akshamy.kz.
«وتباسى بانك» اق اقپاراتى بويىنشا تۇرعىن ءۇي زاەمىن الۋ ءۇشىن قاجەتتى باستاپقى جارنانى جيناقتاۋدىڭ ورتاشا مەرزىمى التى جىلدى قۇرايدى.
وسىعان بايلانىستى، مينيسترلىك ازاماتتاردىڭ تۇرعىن ءۇي جاعدايلارىن جاقسارتۋ ماقساتىندا «وتباسى بانك» اق دەپوزيتتەرىندە بجت قاراجاتىن جيناقتاۋ مەرزىمىن 3 جىلدان 8 جىلعا دەيىن ۇلعايتۋدى ۇسىنادى.
بۇدان باسقا، ەرلى-زايىپتىلارعا «وتباسى بانكى» اق دەپوزيتتەرىن بىر-بىرىنە بجت قاراجاتىمەن تولىقتىرۋعا مۇمكىندىك بەرۋ ۇسىنىلادى.
سونداي-اق، بۇيرىق جوباسىمەن تۇرعىن ءۇي قۇرىلىسى جيناقتارى تۋرالى «وتباسى بانك» اق-مەن شارت بۇزىلعان كەزدە بجت-مەن تولىقتىرىلعان سوما الۋشىنىڭ ارنايى شوتىنا قايتارىلادى، ول 20 جۇمىس كۇنى ىشىندە وسى قاراجاتتى تۇرعىن ءۇي جاعدايلارىن جاقسارتۋعا پايدالانا الادى نەمەسە ەمدەۋگە ءبىرجولعى زەينەتاقى تولەمدەرىن پايدالانۋ قاعيدالارىنا سايكەس ەمدەۋگە جىبەرە الادى (2021 جىلعى 15 اقپانداعى № ق ر دسم-18 ءمينيستردىڭ بۇيرىعى).
تۇرعىن ءۇي جاعدايلارىن جاقسارتۋ ءۇشىن ءبىرجولعى زەينەتاقى تولەمدەرىن پايدالانۋدىڭ قولدانىستاعى ەرەجەلەرىنە جوسپارلانعان تۇزەتۋلەر نقا اشىق دەرەكتەر پورتالىندا تالقىلانۋدا. بارلىق ەسكەرتۋلەر مەن ۇسىنىستار قابىلدانعاننان كەيىن بۇيرىق جوباسى مۇددەلى مەملەكەتتىك ورگاندارعا كەلىسۋگە جىبەرىلەتىن بولادى. بارلىق كەلىسۋ پروسەسى شامامەن ەكى ايعا سوزىلادى.
انىقتاما: ءبىرجولعى زەينەتاقى تولەمدەرىنە ارنالعان ارنايى شوتتار (ارنايى شوت) – تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ماقساتىندا بجزق-دان ءبىرجولعى زەينەتاقى تولەمدەرىن ەسەپتەۋ ءۇشىن الۋشى اشاتىن اعىمداعى بانكتىك شوت.