قازاقستان وڭىرلەرىندەگى تارتىپسىزدىكتەر ناتيجەسىندە اكىمشىلىك عيماراتتار مەن جىلجىمايتىن مۇلىكتىڭ كوممەرسيالىق نىساندارىنا ايتارلىقتاي زيان كەلتىرىلدى.
وسى جاعدايدى ەسكەرە وتىرىپ، وتاندىق زاۋىتتار قيراعان نىسانداردى قالپىنا كەلتىرۋگە قولداۋ كورسەتە باستادى، دەپ حابارلايدى Almaty-akshamy.kz
«ارسەلورميتتال تەمىرتاۋ» اق كومپانياسى زارداپ شەككەن وڭىرلەرگە ارماتۋرالىق ونىمدەردى وتەۋسىز نەگىزدە جەتكىزۋگە دايىن. ايتا كەتۋ كەرەك، كاسىپورىن جىل سايىن ءوز ونىمدەرىنە سەرتيفيكاتتاۋ جۇمىستارىن جۇرگىزەدى. قازىرگى ۋاقىتتا كومپانيانىڭ ارماتۋرالىق، قالىپقا كەلتىرىلگەن جانە سۇرىپتىق جايمالارى ءبىرقاتار ەلدەردىڭ ۇلتتىق ستاندارتتارىنىڭ تالاپتارىنا سايكەستىگىنە سەرتيفيكاتتارى بار.
سونىمەن قاتار، وتاندىق اۆتووندىرۋشىلەر 10% جەڭىلدىكپەن جانە كەيىنگە قالدىرىلعان تولەم شارتتارىمەن جاڭا پوليسيا ماشينالارىن تاپسىرۋدى باستادى. ءوز كەزەگىندە وتاندىق وندىرۋشىلەر وسى قيىن كەزەڭدى قىسقا مەرزىمدە ەڭسەرىپ، زارداپ شەككەن سالالاردى قالپىنا كەلتىرە الاتىنىمىزعا سەنىمدى.