جۇمىس ساپارى بارىسىندا الماتى اكىمى باقىتجان ساعىنتايەۆ سودىرلار توناپ كەتكەن ساۋدا جانە قوعامدىق تاماقتانۋ نىساندارىن ارالادى، دەپ حابارلايدى اlmaty-akshamy.kz
قالا اكىمى «ءواد» ساۋدا ءۇيىن ارالاپ كوردى، وندا 576 ۆيترينا سورەسى قيرادى. وسى كەزەڭدە جالداۋ اقىسىن ەسەپتەۋ توقتاتىلدى. كاسىپكەرلەرمەن اڭگىمەلەسۋ بارىسىندا ب.ساعىنتايەۆ شوب-تىڭ بارلىق شىعىندارى وتەلەتىنىن، ساۋدا زالدارى قالپىنا كەلتىرىلەتىنىن حابارلادى. ۇكىمەت اينالىساتىن تەتىكتىڭ انىقتالۋىن كۇتۋ كەرەك.
الماتى اكىمى پوليسيا دەپارتامەنتىنە «ءواد» عيماراتىندا ارىزداردى قابىلداۋدى ۇيىمداستىرۋدى تاپسىردى. زارداپ شەككەن كاسىپكەرلەردىڭ بارلىق وتىنىشتەرىن ۋاقتىلى پىسىقتاۋ قاجەت. «اتامەكەن» ۇكپ كونسۋلتاتيۆتىك كومەك كورسەتەدى.
ب. ساعىنتايەۆ سونداي-اق، «موبيلكا»، «پلانەتا ەلەكترونيكي» ساۋدا ۇيلەرىن، «قورعان» قارۋ-جاراق دۇكەنىن، «سولومون» سپورت تاۋارلارى دۇكەنىن جانە ساتبايەۆ كوشەسىندەگى قوعامدىق تاماقتانۋ نىساندارىن ارالادى. بارلىق دەرلىك نىسانداردا شابۋىلداۋشىلار بەينەباقىلاۋ جۇيەلەرى بار سەرۆەرلىك بولمەلەردى ادەيى ىستەن شىعاردى. توناۋشىلار ەڭ قۇندى زاتتاردى الىپ كەتكەن ءارى ءۇي جايلاردى ورتەگەن، جوعارىداعى پاتەرلەر تۇرعىندارى ءورتتى سوندىرۋگە كومەكتەسكەن.