يندۋستريا جانە ينفراقۇرىلىمدىق دامۋ مينيسترلىگى ەكولوگيا، گەولوگيا جانە تابيعي رەسۋرستار مينيسترلىگىمەن بىرلەسە وتىرىپ، "جاسىل دامۋ" اق قاراجاتى ەسەبىنەن ازاماتتاردىڭ جەڭىلدەتىلگەن نەسيەگە جەڭىل اۆتوكولىك ساتىپ الۋى، سونداي-اق اۆتوبۋستار پاركىن جاڭارتۋ باعدارلاماسىن ازىرلەپ جاتىر.
جەڭىلدەتىلگەن نەسيەلەندىرۋ باعدارلاماسى بويىنشا قارجىلاندىرۋدىڭ جالپى سوماسى شامامەن 100 ملرد تەڭگەنى جانە قازاقستان ايماقتارىندا اۆتوبۋستاردى جاڭارتۋعا شامامەن 30 ملرد تەڭگەنى قۇرايدى، دەپ حابارلايدى Almaty-akshamy.kz Elorda.info-عا سىلتەمە جاساپ.
ييدم باسپا ءسوز قىزمەتىنىڭ حابارلاۋىنشا، وتاندىق وندىرىلگەن تەحنيكانى ساتىپ الۋ شارتتارى، سونداي-اق قارجىلاندىرۋ ءتارتىبى مەملەكەتتىك ورگانداردا كەلىسۋ راسىمدەرىنەن ءوتۋ ساتىسىندا. ءساۋىر ايىنىڭ سوڭىنا دەيىن بارلىق راسىمدەردى اياقتاۋ جوسپارلانۋدا. ماسەلەن، حالىق ءۇشىن ساتىپ الۋ شارتتارى 0%-دان باستاپ باستاپقى جارنا، نەسيە مەرزىمى 7 جىلعا دەيىن، ساتىپ الۋشى ءۇشىن 1 بىرلىك اۆتوكولىك ءۇشىن نەسيەنىڭ ماكسيمالدى سوماسى 10 000 000 تەڭگەدەن اسپايدى.