ۇلىستىڭ ۇلى كۇنى قارساڭىندا قوس باسىلىم – «Almaty aqshamy» مەن «ۆەچەرنيي Almaty» گازەتتەرىنىڭ وقىرماندارى قۋانىشقا كەنەلدى. ۇردىسكە اينالعان ۇتىس ويىنى بيىل دا جالعاسىن تاۋىپ، جەڭىمپازدار ەسىمى بەلگىلى بولدى.
جالپى، گازەت وقىرماندارى اراسىندا ۇتىس ويىنىن وتكىزۋ – قوس باسىلىمنىڭ ۇزاق مەرزىمدى باسىمدىقتارىنىڭ ءبىرى. سوندىقتان «Alataý aqparat» ج ش س ۇجىمى وتكەن جىلى دا گازەتكە جازىلۋشىلار اراسىندا ءداستۇرلى «جازىل دا، ۇتىپ ال!» اتتى بايقاۋىن جاريالاعان ەدى. قالا تۇرعىندارى بۇل جولى دا ۇتىسقا قاتىسىپ، باعىن سىناماققا گازەتكە جازىلعانىن راستاعان تۇبىرتەكتەردى جىبەرە باستادى. بيىل گازەتكە جازىلۋشىلاردىڭ قاتارى كوبەيىپ، سانىنىڭ ارتا تۇسكەنى بايقالدى.
جەڭىمپازداردى قۇتتىقتاۋعا ارنالعان سالتاناتتى ءىس-شارادا «Alاtaý aqparat» ج ش س كوممەرسيالىق ديرەكتورى قۋانىش ديۋسكالييەۆ بايقاۋدىڭ ءادىل ءارى اشىق تۇردە وتكەنىن جەتكىزسە، بارلىق ۇتىس يەلەرىن «Alاtaý aqparat» ج ش س ديرەكتورىنىڭ ورىنباسارى ابۋحاليل دجاليلوۆ پەن «Almatۋ aqshamy» گازەتى باس رەداكتورىنىڭ ورىنباسارى انۋاربەك اۋەلبەك، «ۆەچەرنىي Almaty» گازەتى باس رەداكتورىنىڭ ورىنباسارى ەۆگەنيي راحىمجانوۆ قۇتتىقتاپ، وقىرمان مەن گازەت اراسىنداعى التىن ارقاۋعا اينالعان بايلانىستىڭ ماڭىزدىلىعىنا توقتالدى.
ۇتىس جەڭىمپازدارى دا وسىنداي ءۇردىستى ۇزبەي وتكىزىپ كەلە جاتقان «Alataý aqparat» ج ش س ۇجىمىنا ريزاشىلىقتارىن ءبىلدىردى.
– مەن ۇزاق جىلدان بەرى ءبىلىم سالاسىندا قىزمەت ەتكەن جانمىن. «Almatۋ aqshamy» گازەتىنە 1988 جىلدان بەرى جازىلامىن. ءتىپتى، گازەتكە جازىلعانىم جونىندەگى تۇبىرتەكتەردىڭ ءبارى ءالى كۇنگە ساقتاۋلى. مەن جالپى ۇستاز بولعاندىقتان، ءتول باسىلىمىمىز «Almatۋ aqshamy» گازەتىنە ۇزبەي جازىلىپ، ءبىر بەتىن قالدىرماستان وقىپ وتىرۋدى ادەتكە اينالدىرعان جانمىن. قازىرگى كەزدە قۇرمەتتى ەڭبەك دەمالىسىنا زەينەتكە شىقسام دا، سۇيىكتى باسىلىمنان قول ۇزگەن ەمەسپىن. كوبىنە ۇيدە وتىرعاندىقتان، گازەتتى ەلەڭدەپ كۇتەتىن بولدىم. وسى گازەت ارقىلى شاھارىمىزدا بولىپ جاتقان بارلىق جاڭالىقتى ءبىلىپ، قۇلاعدار بولىپ وتىرامىن. بۇگىنگى ۇتىستا شاڭسورعىش ۇتىپ الدىم. بۇل دا ءبىر ءۇي تىرشىلىگىنە قاجەتتى، پايدالى دۇنيە عوي، – دەيدى وقىرمانىمىز، ۇتىس جەڭىمپازى سۇلۋجان جولىمبەتوۆا.
– مەن قالالىق «الەۋمەتتىك باعدارلامالار جانە جۇمىسپەن قامتۋ» باسقارماسىن 27 جىل باسقارعان اداممىن. سول كەزدە گازەتپەن دە، ونىڭ تىلشىلەرىمەن دە تىعىز بايلانىستا بولدىم. جالپى، گازەتتىڭ 1978 جىلدان بەرگى تۇراقتى وقىرمانىمىن. تۇرعىندارعا قاجەتتى اقپاراتتاردى وسى گازەت ارقىلى دەر كەزىندە جەتكىزىپ وتىردىق. بۇگىندە زەينەتتەمىن، ءالى دە گازەتپەن بايلانىسىم ۇزىلگەن ەمەس. بۇل جولى تۇبىرتەكتى ۇتىسقا مەنىڭ نەمەرەم جىبەرگەن ەدى. ياعني بۇل گازەتتى تەك زەينەتكەرلەر عانا ەمەس، جاستاردىڭ دا وقيتىنىن كورسەتسە كەرەك، – دەيدى قوعام قايراتكەرى، ۇتىس يەسى امانگەلدى نۇرلانوۆ.
سونداي-اق، ۇتىسقا يە بولعان «Almaty aqshamy» گازەتىنىڭ وقىرماندارى – ن.ەسىم بەكوۆ «SUPRA» مۋلتيۆاركاسىن، ر.تەزەكبايەۆا «AVM-20W» قىسقا تولقىندى پەشىن، «ۆەچەرنيي Almaty» گازەتىنىڭ وقىرماندارى ت.گالانسيەۆا «SUPRA» مۋلتيۆاركاسىن، ە.زينوۆيەۆا «AVM-20W» قىسقا تولقىندى پەشىن ۇتىپ الدى.