مۇنداي كومەكتى 94 مىڭنان استام وتباسىنىڭ مۇشەلەرى العان.
قازاقستان ۇكىمەتى جىل باسىنان بەرى 487،3 مىڭ ادامعا اتاۋلى الەۋمەتتىك كومەك تاعايىندالعانىن حابارلاپ وتىر، دەپ حابارلايدى Almaty-akshamy.kz.
مامانداردىڭ ايتۋىنشا، اعىمداعى جىلى وسى ماقساتتارعا بيۋدجەتتەن 87،1 ملرد تەڭگە ءبولىندى.
«ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى. بۇدان باسقا، ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن قامتاماسىز ەتۋ بويىنشا جۇمىس جۇرگىزىلۋدە»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
2022 جىلعى 1 ناۋرىزدا ااك الۋشىلار قاتارىنداعى 1 جاستان 6 جاسقا دەيىنگى 114 مىڭ بالاعا ازىق-تۇلىك جانە تۇرمىستىق حيميا جيىنتىعى تۇرىندە الەۋمەتتىك توپتاما تاعايىندالدى.
ەستەرىڭىزگە سالا كەتەيىك، اعىمداعى جىلدىڭ قاڭتار ايىندا تج رەجيمىنىڭ قولدانىلۋىنا بايلانىستى 2021 جىلدىڭ 4 توقسانىندا ااك العان ازاماتتارعا تولەمدەر 2022 جىلدىڭ I توقسانىنا اۆتوماتتى تۇردە ۇزارتىلدى. بۇل رەتتە جاڭا الۋشىلار ءۇشىن ەلەكتروندىق ۇكىمەت پورتالى ارقىلى اتاۋلى الەۋمەتتىك كومەك تاعايىنداۋعا ءوتىنىش بەرۋ مۇمكىندىگى ىسكە اسىرىلدى.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي-اق egov.kz ەلەكتروندىق ۇكىمەت پورتالى ارقىلى بەرە الادى.