قازاقستاندىقتار قاسىم-جومارت توقايەۆتىڭ پارلامەنت ءماجىلىسىنىڭ وتىرىسىندا سويلەگەن ءسوزىن قىزۋ تالقىلاپ جاتىر
ءوز كەزەگىندە ساراپشىلار مەملەكەت باسشىسى ۇسىنعان رەفورمالاردىڭ الەۋمەتتىك اسپەكتىن اتاپ ءوتتى، دەپ حابارلايدى Almaty-akshamy.kz
«قازاقستان حالقىن قولداۋ قورى» ەلىمىزدەگى وتكىر الەۋمەتتىك ماسەلەلەردى شەشۋدىڭ ءتيىمدى تەتىگى رەتىندە ماڭىزى جاعىنان بىرەگەي جوباعا اينالۋى ءتيىس. بۇعان قاجەتتىلىك بۇرىننان پىسىپ-جەتىلگەن ەدى. «ال مەملەكەت باسشىسىنىڭ شەشىمى ۋاقىتىلى قابىلدانىپ وتىر»، – دەيدى زاڭناما جانە قۇقىقتىق اقپارات ينستيتۋتىنىڭ ديرەكتورى رامازان سارپەكوۆ.
«قازاقستاندا قانشاما قور بار، ءبىراق بۇل قور حالىقپەن، ستۋدەنتتەرمەن، الەۋمەتتىڭ وسال توبىنداعى ادامدارمەن تىكەلەي جۇمىس ىستەۋى كەرەك. ەمدەلۋگە دە جۇمسالۋ كەرەك. نەسىن جاسىرايىق؟ كەيدە وتە قيىن جاعدايلار تۋىندايدى. حالىق دەنساۋلىق ساقتاۋ مينيسترلىگىنە جۇگىنىپ جاتادى نەمەسە وزگە مەكەمەلەرگە سابىلادى. ال سوڭىندا ۋاقىت بوسقا كەتەدى. وسىنداي ماسەلەلەر نەگىزىندە ءىس-قيمىل باعدارلامالارى بەلگىلەنەدى، باسقا دا ساياسي ورگاندار تارتىلادى دەپ ويلايمىن. سونىمەن قاتار جاعداي جاقسارادى دەپ ۇمىتتەنەمىن»، - دەيدى ق ر زاڭناما جانە قۇقىقتىق اقپارات ينستيتۋتىنىڭ ديرەكتورى رامازان سارپەكوۆ.
سونىمەن قاتار پرەزيدەنت الەۋمەتتىك جاۋاپكەرشىلىكتى ارتتىرۋ مەملەكەت پەن حالىق اراسىنداعى تەڭ ديالوگ ارقىلى مۇمكىن بولاتىنىن بىرنەشە رەت اتاپ وتكەن ەدى. جاقىندا مەملەكەت باسشىسى بارلىق جوعارى لاۋازىمدى تۇلعالارعا وڭىرلەرگە ءجيى شىعۋدى تاپسىردى. باستامانى ازاماتتىق سەكتور دا قولدادى.
«ءقازىر حالىقپەن كەرى بايلانىس ورناتۋ قاجەت. ولارمەن تىكەلەي كەزدەسىپ، اڭگىمەلەسىپ، مەملەكەتتىك ساياساتتى، ونىڭ باعىت-باعدار ۆەكتورىن، مەملەكەت قاي جاققا باعىت الىپ جاتقانىن قاراپايىم، تۇسىنىكتى تىلدە حالىققا جەتكىزۋ كەرەك. الەۋمەتتىك سەرىكتەستىك – بۇل وتە ماڭىزدى ديالوگ الاڭدارىن قالىپتاستىرۋ قاجەت امبەباپ الاڭ»، - دەيدى نۇر-سۇلتان قالالىق «كاسىپوداقتار ورتالىعى» فيليالىنىڭ جەتەكشىسى تولەگەن ءقۇنادىلوۆ.