كوللەكتورلاردىڭ ءوندىرىپ الۋىنا بەرىلگەن جەكە تۇلعانىڭ پروبلەمالىق بەرەشەگىن رەتتەۋ جونىندە ءىس-شارالار قابىلداندى. بۇل تۋرالى بۇگىن ۇكىمەت وتىرىسىندا ق ر قارجى نارىعىن رەتتەۋ جانە دامىتۋ ءمادينا ءابىلقاسىموۆا ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ۇكىمەت ازىرلەپ جاتقان جەكە تۇلعالاردىڭ بانكروتتىعى تەتىگى اياسىندا جەكە تۇلعالاردىڭ بانكتەردەگى جانە ميكروقارجى ۇيىمدارىنداعى كرەديتتەرى بويىنشا، ونىڭ ىشىندە كوللەكتورلاردىڭ ءوندىرىپ الۋىنا بەرىلگەن پروبلەمالىق بەرەشەگىن رەتتەۋ جونىندە ءىس-شارالار قابىلداناتىن بولادى»، - دەدى اگەنتتىك ءتوراعاسى.
سونىمەن قاتار ول اگەنتتىك جەكە تۇلعالاردىڭ كرەديتتەرى بويىنشا پايىزدىق مولشەرلەمەلەردىڭ شەكتى ماندەرىن رەتتەۋ، كرەديتتەر بويىنشا سىياقىنىڭ ءتيىمدى مولشەرلەمەلەرىنىڭ ەسەبىنە قارىز الۋشىنىڭ كەز كەلگەن كوميسسيالارى مەن تولەمدەرىن قوسۋ بويىنشا ءىسارالار قابىلدايتىندىعىن اتاپ ءوتتى.
«بۇل جاڭادان بەرىلەتىن كرەديتتەر بويىنشا حالىقتىڭ بورىش جۇكتەمەسىنىڭ ءوسۋىن شەكتەۋگە مۇمكىندىك بەرەدى»، - دەدى ءمادينا ءابىلقاسىموۆا.