وتاندىق ءونىم قولداۋ تابۋدا

قازاقستاندىق ونىمدەر ارتىپ كەلەدى.

ەلىمىزدە وتاندىق ونىمدەردى قايتا وڭدەۋ قارقىن الىپ بارادى، دەپ حابارلايدى Almaty-akshamy.kz.

قازاقستاندا ءوندىرىس جاندانىپ، وتاندىق ونىمدەردى قايتا وڭدەۋ قارقىن الىپ بارادى. سالاداعى ءوسىم جىل باسىنان 6%-عا جۋىقتاعان. ەسەسىنە جەرگىلىكتى تاۋار تۇرلەرىنىڭ ەكسپورتتىق الەۋەتى ارتا ءتۇستى. جالپى، وزگە ەلدەر نارقىمەن الىس-بەرىس وڭالىپ، سىرتقى ساۋدا-ساتتىق قايتا قىزعان. بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى اسەت ەرعالييەۆ ناقتى ساندىق دايەكتى دەرەكتەر كەلتىرە وتىرىپ مالىمدەدى.

ۇلتتىق ەكونوميكا ءمينيسترى اسەت ەرعالييەۆتىڭ پىكىرىنشە، وتاندىق ونىمدەردى قولداۋ ارتۋدا كورىنەدى.

«قاڭتار-ماۋسىم ايلارىندا سىرتقى ساۋدا تاۋار اينالىمى 45،3 ملرد دوللاردى كورسەتىپ، ونىڭ ىشىندە ەكسپورت بويىنشا كورسەتكىش 27 ملرد دوللاردى قۇرادى. بۇل رەتتە وڭدەلگەن تاۋارلار ەكسپورتى 25%، ياعني 8،9 ملرد دوللارعا دەيىن ءوستى. تاۋارلار يمپورتى 18،3 ملرد دوللاردى قۇرادى. جالپى، ساۋدانىڭ بالانسى 8،7 ملرد دوللاردى قۇراپ، وڭ دەڭگەيىندە ساقتالدى»، - دەدى ۇلتتىق ەكونوميكا ءمينيسترى اسەت ەرعالييەۆ.