تۇنگى شاھاردىڭ كەلبەتى كوزدىڭ جاۋىن الادى.
بۇگىن اسەم قالا الماتىنىڭ كەرەمەت تۇنگى كورىنىستەرىن سۋرەتكە تارتتىق. كۇن رايى دا سالقىن سامالدى بولدى. سەرۋەن قۇرىپ، ءبىر ءسات دەمالۋعا سونداي جاقسى اۋا رايى اسەر ەتتى دەي الامىز. نەگىزى، بايقاپ قاراساڭىز، قالالىقتار كەشقۇرىم سەرۋەندەگەندى جاقسى كورەتىندەي. كۇنى بويى جۇمىستان باس كوتەرمەگەن حالىق كەش تۇسكەندە ۇيلەرىنە جەتەدى. ءبىراز تاماقتانىپ، كوشەگە سەرگۋگە شىعادى. سونداي ازاماتتاردىڭ قاتارىندا ءبىز دە بارمىز. جاي جۇرمەي، كورىكتى مەكەندەردى سۋرەتكە ءتۇسىرىپ جۇرەمىز. ءبىر جاعىنان، وزىمىزگە جاقسى. كوڭىل-كۇيىڭ كوتەرىلىپ، ءبىر سەرپىلىپ قالاسىز. جۇرتپەن تىلدەسىپ، اراسىندا ويىن-ساۋىق قۇرعان جانداردى بايقايسىز. ەندى بىرەۋلەرى روليك تەۋىپ، ماز-مەيرام بولىپ جاتادى. قول ۇستاسقان عاشىقتار كەشتىڭ كوركىنە ءار بەرەدى. مىنە، وسىلايشا تۇنگى شاھاردىڭ كەلبەتىنە كوز تويماي قاراي بەرگىڭىز كەلەدى.
بۇل جولى رەسپۋبليكا الاڭى جاعىن ارالادىم. سونداعى تاماشا كورىنىستەردى، ادەمى كادرلاردى تارتۋعا تىرىستىم. جارقىراعان قىزىلدى-جاسىلدى شامدار، قابىرعالارداعى بوياۋلار - ءبارى ءساتتى جاراسىم تاپقان. نەگىزى كوبىمىز ونشا ءمان بەرە بەرمەيمىز. الماتى - ەلىمىز بويىنشا ەڭ ءىرى مەگاپوليس. تاريحى دا مىڭ جىلدىقتارعا كەتەدى. ءبىر جاعىنان، وسى قالادا عۇمىر كەشۋدىڭ ءوزى ءبىر باقىت دەپ. راسىندا سولاي. قانشاما جاندار بۇل جەرگە كەلىپ، قىدىرىپ، اسپانمەن تالاسقان تاۋلاردى كورۋگە اسىق. ال بىزدەر بولساق، سول عاجايىپ پەن كەرەمەت سۇلۋلىقتىڭ اراسىندا ءجۇرمىز.
جاينا، جاسا، گۇل-الماتى!