قازاقستاندىق تاۋار وندىرۋشىلەر شەتەلگە 559،5 ملن دوللاردىڭ ءونىمىن جەتكىزدى.
بۇل 2021 جىلدىڭ سايكەس كەزەڭىمەن سالىستىرعاندا 47%-كە جوعارى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
ايتا كەتۋ كەرەك، بيىلعى جىلدىڭ 5 ايىندا وتاندىق تاۋار وندىرۋشىلەردىڭ نارىقتاعى ۇلەسى ارتقان. ول 9،3% قۇرادى. ساراپشىلار حالىقارالىق وڭدەۋ ونەركاسىبى كورمەسى اياسىندا سالانىڭ دامۋىن تالقىلادى، دەپ حابارلايدى «اتامەكەن» ۇلتتىق كاسىپكەرلەر پالاتاسى.
سالالىق ءوندىرىستىڭ ەڭ ۇلكەن ۇلەسى «ونەركاسىپكە ارنالعان حيميكاتتار» سەكتورىنا تيەسىلى. ول 65% استامىن قۇرادى. ودان كەيىن اگروحيميا - 22%، «بازالىق مۇناي-حيميا» سەكتورى – 11،5% قۇرادى. جالپى، حيميا سالاسى ءوندىرىسى 400 ميلليارد تەڭگەدەن ءسال اسقان. بۇل 2021 جىلدىڭ سايكەس كەزەڭىمەن سالىستىرعانداعى كورسەتكىشتەن 58،7%-كە جوعارى.