سالماعى 10 كەلىگە جۋىق عارىش اپپاراتى قازاقستاننىڭ اۋماعىن ءبىر كۇندە 3 رەت اينالىپ، جەر قاباتىنداعى وزگەرىستەردى تىركەيدى.
بارلىق دەرەكتەر اۆتوماتتى تۇردە ءال-فارابي اتىنداعى قازاق ۇلتتىق ۋنيۆەرسيتەتى جانىنداعى زەرتتەۋ ورتالىعىنا كەلىپ تۇسەدى. عالىمدار نانوسپۋتنيكتى ەكى جىلدا تولىق دايىنداپ، عارىش ايلاعىنا ۇشىرامىز دەپ وتىر، دەپ حابارلايدى Almaty-akshamy.kz.
«ول نانوسپۋتنيكتەردىڭ باستى قىزمەتى - جەردىڭ ليتوسفەرا دەگەن قاباتى بار، قاتتى قاباتى مەن يونوسفەرا قاباتى اراسىنداعى بايلانىستاردى زەرتتەۋ. ليتوسفەرا مەن يونوسفەرانىڭ بايلانىسىن زەرتتەۋ ارقىلى جەردە بولىپ جاتقان قۇبىلىستاردى الدىن - الا بولجاۋىمىزعا بولادى. مىسالى جەر سىلكىنۋىنىڭ الدىن الۋ. بولاشاق نانوسپۋتنيكتەردى عارىشقا ۇشىرساق، دەر كەزىندە جەر سىلكىنۋدىڭ الدىن الۋعا مۇمكىندىك الۋىمىز مۇمكىن»، - دەيدى ءال-فارابي اتىنداعى قازۇۋ جانىنداعى ينجينيرينگ جانە جوعارعى تەحنولوگيالار كلاستەرىنىڭ باس ديرەكتورى ءامىرحان تەمىربايەۆ.