شقو پوليسەيلەرى جەدەل ءىس-شارالاردى وتكىزۋ بارىسىندا الماتى وبلىسىندا اسا ءىرى مولشەردە ەسىرتكى زاتتارىن جەتكىزۋمەن اينالىسقان 52 جاستاعى ەر ادامدى ۇستادى.
كۇدىكتىنىڭ تۇرعىلىقتى جەرىن ءتىنتۋ كەزىندە سپەسيفيكالىق ءيىسى بار سكوچپەن ورالعان وسىمدىك تەكتەس زات سالىنعان ەكى پوليمەرلى پاكەت تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جۇرگىزىلگەن ساراپتاماعا سايكەس، تاركىلەنگەن زات جالپى سالماعى 20 كەلىدەن اساتىن كەپتىرىلگەن ماريحۋانا ەسىرتكى زاتى ەكەنى انىقتالدى.
ەر ادام ەسىرتكى زاتىن كەيىننەن وبلىس ورتالىعىنىڭ تۇرعىندارى اراسىندا ساتۋدى جوسپارلاعان. كۇدىكتىگە قاتىستى ق ر قك-نىڭ 297-بابى 3-بولىگى (اسا ءىرى مولشەردەگى ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا سوتقا دەيىنگى تەرگەپ-تەكسەرۋ باستالدى.