ەلىمىز ساۋد ارابياسىنا ەت ەكسپورتتايدى.
قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ ساۋد ارابياسىنا ساپارى اياسىندا وتاندىق ەت ەكسپورتتاۋشىلار ءۇشىن جاڭا مۇمكىندىكتەرگە جول اشاتىن قۇجاتتارعا قول قويىلدى. بۇل تۋرالى اۋىل شارۋاشىلىعى مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
24-25 شىلدە كۇندەرى ەكى ەلدىڭ ساۋدا-ەكونوميكالىق ىنتىماقتاستىعىن كەڭەيتۋ ماقساتىندا ىسكەر توپتاردىڭ وكىلدەرىنىڭ قاتىسۋىمەن ينۆەستيسيالىق دوڭگەلەك ۇستەل ءوتتى. سيىر ەتى مەن قوي ەتى يمپورتىنا قويىلاتىن سانيتارلىق جانە تەحنيكالىق تالاپتار حاتتاماسىنا قول قويىلدى. كەلىسىمگە ساۋد ارابياسىنىڭ ازىق-تۇلىك سەكتورى جونىندەگى ۆيسە-پرەزيدەنتى مۇحاممەد ءال-ناسار مەن ق ر اشم ۆەتەرينارلىق باقىلاۋ جانە قاداعالاۋ كوميتەتىنىڭ ءتوراعاسى اسقار جاقىپبايەۆ قول قويدى.
قول قويىلعان حاتتاما قازاقستاندىق قوي جانە سيىر ەتىن وندىرۋشىلەر ءۇشىن وتكىزۋ نارىعىن كەڭەيتۋگە جانە اۋىل شارۋاشىلىعى سالاسىنداعى ىنتىماقتاستىقتى ودان ءارى ارتتىرۋعا مۇمكىندىك بەرەدى.