مەملەكەت باسشىسى وتاندىق ەلەكتر ەنەرگياسى سالاسىن جاڭارتۋ كەرەكتىگىن ايتتى.
«جالپى، قازاقستان ەلەكتر ەنەرگياسىمەن قامتۋدا يمپورتقا، كورشى ەلدەرگە تاۋەلدى بولماۋى ءتيىس. ءقازىر بولىپ جاتقان جاعدايعا بارلىق جاعىنان، ەڭ الدىمەن مەملەكەتتىڭ قاۋىپسىزدىگى تۇرعىسىنان قايتا قاراۋ قاجەت»، - دەدى قاسىم-جومارت توقايەۆ قازاقستان حالقىنا جولداۋىندا.
سونداي-اق، پرەزيدەنت جاڭارتىلاتىن ەنەرگەتيكا جوبالارىن ىسكە اسىرۋ جالعاساتىنىن ايتتى.
«گيدروەلەكتروستانسيالاردىڭ دامۋىنا ەرەكشە نازار اۋدارۋ قاجەت. ەنەرگيامەن، جىلۋمەن جانە سۋمەن جابدىقتاۋ - ءبىرتۇتاس تەحنولوگيالىق ءوزارا بايلانىستى جۇيە. وعان ەكونوميكانىڭ جەكە ماڭىزدى سالاسى رەتىندە قاراۋ كەرەك. قازىرگى ءتاسىل ەسكىرگەن. ەندى جاڭا شەشىمدەر قاجەت»، - دەيدى مەملەكەت باسشىسى.