«اشىق اسپان» رەجيمى استانا، الماتى، شىمكەنت، اقتاۋ، اقتوبە، قاراعاندى، تۇركىستان، وسكەمەن، پاۆلودار، كوكشەتاۋ، تاراز، پەتروپاۆل، سەمەي قالالارىنىڭ اۋەجايلارىندا قولدانىلادى.
قازاقستان رەسپۋبليكاسىنىڭ كولىك مينيسترلىگى قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ، اۋە كولىگىنىڭ قولجەتىمدىلىگى مەن دامۋى ءۇشىن قازاقستاندىق اۋەتاسىمالدار نارىعىنىڭ تارتىمدىلىعىن ارتتىرۋ ماقساتىندا «اشىق اسپان» رەجيءمىن ودان ءارى جەتىلدىرىپ جاتىر، دەپ حابارلايدى Almaty-akshamy.kz.
اتاپ ايتقاندا، مينيسترلىكپەن «اشىق اسپان» رەجيمىن ەنگىزۋ تۋرالى بۇيرىققا شەتەلدىك اۋەكومپانيالارىنا 5ء-شى دارەجەلى «اۋە ەركىندىگىن» پايدالانۋ قۇقىعىن بەرۋ ارقىلى بۇرىن-سوڭدى قولدانىستا بولعان شەكتەۋلەردى الىپ تاستاۋعاباعىتتالعان وزگەرىستەر ەنگىزىلدى.
وسىلايشا، شەتەلدىك اۋە كومپانيالارى قازاقستاننىڭ ءبىرقاتار اۋەجايىنا اۋە كەمەلەرىنىڭ تيپتەرى مەن جيىلىگىنە قاراماستان، ونىڭ ىشىندە باعىتتار بويىنشا شەكتەۋسىز 5ء-شى دارەجەلى «اۋە ەركىندىگىمەن» ۇشۋلاردى ورىنداۋ مۇمكىندىگىنە يە بولدى.
قولعا الىنعان بۇل شارالار باسەكەلەستىكتى ارتتىرۋعا مۇمكىندىك بەرىپ، ءوز كەزەگىندە اۋەبيلەتتەرىنىڭ قۇنىن تومەندەتۋگە جانە ۇشۋ گەوگرافياسىن كەڭەيتۋگە ىقپال ەتەدى دەپ كوزدەلىپ وتىر.