3 جەلتوقساندا قازاقستاننىڭ باسىم بولىگى سيكلون ىقپالىندا بولادى، دەپ حابارلايدى Almaty-akshamy.kz.
«قازگيدرومەت» رمك-نىڭ مالىمەتىنشە، سونىمەن بىرگە، جاڭبىر مەن قار تۇرىندە جاۋىن-شاشىن، كوكتايعاق، بۇرقاسىن كۇتىلەدى.
ەلدىڭ وڭتۇستىك-شىعىسىندا عانا انتيسيكلوننىڭ اسەرىنەن كۇن رايى جاۋىن-شاشىنسىز بولادى.
رەسپۋبليكانىڭ بارلىق وڭىرىندە تۇمان، جەلدىڭ كۇشەيۋى بولجانادى.
سولتۇستىك قازاقستان، پاۆلودار وبلىستارىنىڭ – باتىس، سولتۇستىك جانە وڭتۇستىك بولىگىندە، اقمولا وبلىسىنىڭ – باتىس، سولتۇستىك جانە شىعىس بولىگىندە، قاراعاندى وبلىسىنىڭ كۇندىز سولتۇستىگى مەن شىعىسىندا، شىعىس قازاقستان وبلىسىنىڭ باتىس، سولتۇستىك جانە وڭتۇستىك بولىگىندە، اباي وبلىسىنىڭ كۇندىز باتىس جانە ورتالىعىندا داۋىلدى جەل كۇتىلەدى. جىلدامدىعى كەي ۋاقىتتا 30 م/س جانە ودان جوعارى بولادى.