«وتانداستار قورى» كەاق الداعى ۋاقىتتا سىم-نە قاراستى قىزمەت اتقارادى
«وتانداستار قورى» اقپارات جانە قوعامدىق دامۋ مينيسترلىگىنەن قازاقستان سىرتقى ىستەر مينيسترلىگىنە بەرىلدى، دەپ حابارلايدى Almaty-akshamy.kz
قازاقستان رەسپۋبليكاسى ۇكىمەتىنىڭ 2022 جىلعى 31 قاڭتارداعى №36 قاۋلىسىنا سايكەس، قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن «وتانداستار قورى» كوممەرسيالىق ەمەس اكسيونەرلىك قوعامىنىڭ 50 پايىز مولشەرىندەگى اكسيالارىنىڭ مەملەكەتتىك پاكەتىن يەلەنۋ جانە پايدالانۋ قۇقىقتارى قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگىنەن قازاقستان رەسپۋبليكاسىنىڭ سىرتقى ىستەر مينيسترلىگىنە بەرىلدى.
بۇعان دەيىن قوعام اكسيونەرلەرى سىرتقى ىستەر مينيسترلىگى مەن اقپارات جانە قوعامدىق دامۋ مينيسترلىگى بولعان.
ايتا كەتەيىك، شەتەلدەگى وتانداستارىمىزعا جان-جاقتى قولداۋ كورسەتۋ ماقساتىندا «وتانداستار قورىن» قۇرۋ تۋرالى 2017 جىلى «دۇنيە ءجۇزى قازاقتارىنىڭ V قۇرىلتايىندا» تۇڭعىش پرەزيدەنت – ەلباسى ن.ءا. نازاربايەۆ تاپسىرما بەرگەن ەدى. قوعام ءوز جۇمىسىن 2018 جىلدىڭ كۇزىندە باستاعان.
بۇگىندە قوعامنىڭ نەگىزگى ماقساتتارىندا شەتەلدەگى قازاق قاۋىمداستىعى كوبىرەك جينالعان جەرلەرىندە قازاق ءتىلى مەن مادەنيەتىن دامىتۋ جانە تاريحي وتانىمەن بايلانىسىن قولداۋ سالاسىنداعى ءىس-شارالاردى ۇيىمداستىرۋ ارقىلى سىرتقى ىستەر مينيسترلىگىنىڭ شەتەلدىك ۆەدومستۆولارىنا باعىنىستى ۇيىمدار رەتىندە شەتەلدەگى مادەني-ىسكەرلىك ۇيلەرى پلاتفورماسىنىڭ جەلىسىن كەڭەيۋگە، شەتەلدىك قازاق جاستارى جانە قازاقستاننىڭ ءبىلىم بەرۋ سالاسىنىڭ باسىمدىقتارىنا، شەتەلدەگى قازاق قاۋىمدارى جانە قازاقستاننىڭ يميدجدىك تارتىمدىلىعىن ارتتىرۋ ‒ اقپاراتتىق-كونسۋلتاسيالىق قامتاماسىز ەتۋ ماسەلەلەرىنە باسىمدىق جاساۋ كوزدەلىپ وتىر.
سونىمەن قاتار، قانداستاردى اقپاراتتىق قولداۋ ورتالىقتارىنىڭ جۇمىسىن جالعاستىرا وتىرا، شەتەلدەگى قازاقتار مەن ەلگە كەلگەن اعايىننىڭ ءوزارا ءىس-قيمىل سالاسىنداعى مەملەكەتتىك ساياساتتى تالداۋ، جوسپارلاۋ جانە بولجاۋ ماسەلەلەرى بويىنشا دەرەكتەر بازاسىن قالىپتاستىرۋ جۇمىستارىن اتقارادى.