وسى ماقساتتا زاۋىتتارمەن ارنايى كەلىسسوز جۇرگىزىلگەن.
اۋىل شارۋاشىلىعى تاۋارىن وندىرۋشىلەر كوكتەمگى ەگىس جۇمىستارىن جۇرگىزۋ بارىسىندا وتاندىق تىڭايتقىشتارمەن تولىق قامتاماسىز ەتىلەدى، دەپ حابارلايدى Almaty-akshamy.kz Eldala.kz cىلتەمە جاساپ.
اعىمداعى جىلى مينەرالدى تىڭايتقىشتاردى ەنگىزۋ كولەمى شامامەن 695 مىڭ توننانى قۇرايدى، بۇل وتكەن جىلدىڭ كورسەتكىشىنەن 70 مىڭ تونناعا ارتىق. بۇل تۋرالى ق ر اۋىل شارۋاشىلىعى مينيسترلىگى حابارلادى.
«ءداستۇرلى تۇردە ساتىپ الىناتىن تىڭايتقىشتاردىڭ 60% 2 تۇرگە - ءوندىرىسى قازاقستاندا بار اممياك سەليتراسى مەن امموفوسقا تيەسىلى. اۋىل شارۋاشىلىعى تاۋارلارىن وندىرۋشىلەردى اتالعان تىڭايتقىشتارمەن قامتاماسىز ەتۋ ماقساتىندا وتاندىق زاۋىتتاردىڭ باسشىلىعىمەن كەلىسسوزدەر جۇرگىزىلدى. ولاردىڭ ناتيجەلەرى بويىنشا ىشكى نارىقتى تولىق قامتاماسىز ەتۋ بويىنشا ۋاعدالاستىقتارعا قول جەتكىزىلدى»، - دەپ حابارلادى ۆەدومستۆودا.
كوكتەمگى ەگىس جۇمىستارىن جۇرگىزۋدىڭ باستالۋىمەن اشم وبلىس اكىمدىكتەرىمەن بىرلەسىپ اپتا سايىن مينەرالدىق تىڭايتقىشتارمەن قامتاماسىز ەتىلۋ مونيتورينگىن جۇرگىزەتىن بولادى.
ولاردىڭ قۇنىن سۋبسيديالاۋ ماقساتىندا اعىمداعى جىلى 26،8 ملرد تەڭگە قاراستىرىلعانى اتاپ وتىلەدى.
ەسكە سالايىق: رەسەيدە 2022 جىلدىڭ 2 اقپانىنان 1 ساۋىرىنە دەيىن وسى ونىمدەرگە سۇرانىستىڭ ارتۋىنا بايلانىستى اممياك سەليتراسىن ەكسپورتتاۋعا تىيىم سالىندى. رەسەي فەدەراسياسىنىڭ اۋىل شارۋاشىلىعى مينيسترلىگى ىشكى نارىقتا اۋىلشارۋاشىلىق تاۋار وندىرۋشىلەرى مەن ونەركاسىپتىك كاسىپورىندار تاراپىنان اممياك سەليتراسىنا قوسىمشا قاجەتتىلىك پايدا بولعانىن حابارلادى. اتاپ ايتقاندا، وڭتۇستىك جانە سولتۇستىك كاۆكاز فەدەرالدى وكرۋگتەرىنىڭ بىرنەشە ايماقتارىندا جىلى قىستىڭ سالدارىنان كوكتەمگى ەگىس بىرنەشە اپتاعا اۋىسىپ، اقپان ايىندا باستالادى.
سونىمەن قاتار، قازاقستاندا اممياك سەليتراسى ءوندىرىسى وسۋدە. وتكەن جىلى "قازازوت " كومپانياسى ءوندىرىستى 17%-عا ۇلعايتتى. 2021 جىلعى 12 ايدا اممياك سەليتراسىن شىعارۋ ءبىر جىل بۇرىنعى 325،2 مىڭ تونناعا قاراعاندا 380،7 مىڭ توننانى قۇرادى. 2022 جىلى "قازازوت" ءوندىرىس كولەمىن 400 مىڭ تونناعا دەيىنگى دەڭگەيگە شىعارۋدى جوسپارلاپ وتىر.