11 قازان كۇنى استانادا وتەتىن «وتانداستار» فورۋمىنا 40-تان استام ەلدەن 200-گە جۋىق وتانداسىمىز قاتىسادى، دەپ حابارلايدى almaty-akshamy.kz.
ولار – شەتەلدەگى قازاق ۇيىمدارىنىڭ باسشىلارى، بەلسەندىلەرى، جاناشىرلارى جانە شەتەلدەگى عىلىم، ءبىلىم، مادەنيەت، بيزنەس، مەديا، ساياسات سىندى باسقا دا سالالاردىڭ كورنەكتى وكىلدەرى مەن بەلگىلى قاي̆راتكەرلەرى.
وسى رەتتە 10 قازان سەيسەنبى كۇنى فورۋمنىڭ باس سەرىكتەسى «Altyn Qyran Foundation» قوعامدىق قورى جانە ۇلتتىق سپورت قاۋىمداستىعى ۇيىمداستىرعان سپورتتىق باعدارلاما اياسىندا فورۋم قوناقتارى ۇلتتىق قۇندىلىقتارىمىزبەن ەتەنە جاقىن تانىستى. اتاپ ايتقاندا، ۇلتتىق سپورت قاۋىمداستىعى مەن سالالىق سپورت فەدەراسيالارىنىڭ ماماندارى ۇلتتىق ويىندارىمىزدان (توعىزقۇمالاق، اسىق اتۋ، ساداق اتۋ، قىز قۋۋ، اۋدارىسپاق، كوكپار، قۇسبەگىلىك) قويىلىم كورسەتتى. قوناقتاردىڭ نازارىنا قولونەر شەبەرلەرى جاساعان ۇلتتىق بۇيىمدار دا ۇسىنىلدى.
قويىلىم الدىندا ءسوز العان ۇلتتىق سپورت قاۋىمداستىعىنىڭ پرەزيدەنتى يسلامبەك سالجانوۆ:
«كەزەكتى رەت ۇيىمداستىرىلىپ وتىرعان «وتانداستار فورۋمى» شەتەلدەردەگى قازاق ۇيىمدارىنىڭ باسىن قوساتىن اسا اۋقىمدى جيىن. «Altyn Qyran Foundation» قوعامدىق قورى جانە ۇلتتىق سپورت قاۋىمداستىعى وسىنداي ىرگەلى جوباعا قولداۋ كورسەتۋدى وزىنە اسا زور مارتەبە سانايدى. بارشاڭىزعا ءمالىم، ۇلتتىق سپورتتىڭ ارتىندا ۇلتىمىزدىڭ تاريحى، ءسالت-داستۇرى، نامىسى مەن رۋحى تۇر. ۇلتتىق سپورت قاۋىمداستىعى اتا-بابادان قالعان قاسيەتتى مۇرانى دامىتۋعا بار كۇشىن سالىپ وتىر. وتانى ءبىردىڭ – تىلەگى ءبىر! بەرەكە-بىرلىگىمىزبەن قازاقستاننىڭ مەملەكەتتىگىن نىعايتا تۇسەمىز دەگەن سەنىمدەمىن» - دەدى.
سونداي-اق قاۋىمداستىق پرەزيدەنتى قانداستاردى كەلەسى جىلى استانادا وتەتىن V دۇنيەجۇزىلىك كوشپەندىلەر ويىنىنا شاقىردى.
«وتانداستار» فورۋمىنىڭ باس سەرىكتەسى – «Altyn Qyran Foundation» قوعامدىق قورى.
فورۋمنىڭ تيتۋلدى دەمەۋشىسى – «Sine Midas Stroy» قۇرىلىس كومپانياسى.
دەمەۋشىلەر:
- استانا اكىمدىگى؛
- «Rixos President Astana» قوناق ءۇيى؛
- ج ش س «سHİ»؛
تىركەلىپ، قوسىمشا اقپارات الۋ ءۇشىن:
+7 708 631 17 96 (نۇرىمجان قاسىم ۇلى)
+7 708 537 5710 (گۇلنار اباي قىزى)
+7 775 510 51 91 (الجان نۇرلان ۇلى)
پوچتا: forumotandastar@gmail.com
رەسمي سايت: otandastarforum.kz Instagram (@otandastar_qory)
Facebook (OtandastarQory) YouTube (Otandastar channel