زاڭعا وزگەرىستەر ەنگىزىلۋى مۇمكىن.
ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆانىڭ ايتۋىنشا، زەينەتكە شىققاندا ەڭبەك كىتاپشاسىنىڭ ەلەكتروندى نۇسقاسى بولسا، ونىڭ قاعاز نۇسقاسى كەرەك ەمەس، دەپ حابارلايدى Almaty-akshamy.kz
ەگەر جۇمىستا كادر ءبولىمى ەڭبەك كىتاپشاسىن سيفرلاندىرسا، بۇل اقپارات ەلەكتروندى ەڭبەك بيرجاسىندا بولسا، وندا ونى ۇسىنۋدىڭ كەرەگى جوق، - دەدى سۆەتلانا جاقىپوۆا.
مينيستر ەڭبەك كىتاپشاسىنىڭ ەلەكتروندى نۇسقاسىن جاساۋ كادر ءبولىمىنىڭ مىندەتى ەمەس ەكەنىن، شەشىمدى ءار ادام جەكە قابىلدايتىنىن اتاپ ءوتتى. وسىعان بايلانىستى مينيستر تالاپتى كۇشەيتۋ جاعىن قاراستىرىپ جاتقاندارىن جەتكىزدى.
ارينە، ءبىز قازاقستاندىقتاردىڭ قۇقىعىن قورعاۋ ءۇشىن وسى نورمانى كۇشەيتكىمىز كەلەدى. ويتكەنى بىزدە كوپتەگەن ادام ەلەكتروندى ەڭبەك شارتىن جاسامايدى. سوندىقتان ەڭبەك كودەكسىندە ەلەكتروندى ەڭبەك شارتى مىندەتتى جانە وندا بارلىق دەرەك شىندىققا سايكەس كەلۋى كەرەك دەگەن نورما پايدا بولسا، وندا ءبىز كونۆەرتپەن جالاقى بەرىلمەيتىن جاعدايعا كەلەمىز. بۇگىندە ونداي جاعداي بار، - دەدى مينيستر.