ۋلترامارافونشىنىڭ ەندىگى باعىتى – وساكاروۆكا
2 مامىر كۇنى قاراعاندى وبلىسىنىڭ اقجال كەنتىنەن جۇگىرۋدى باستاعان ورتالىق سپورت كلۋبىنىڭ اسكەري قىزمەتشىسى ەفرەيتور باۋىرجان ءابدىقايىم بۇگىن شاحتەرلەر استاناسىنا كەلىپ جەتتى، دەپ حابارلايدى Almaty-akshamy.kz.
«استانا» وڭىرلىك قولباسشىلىعىنىڭ ۇزدىك سپورتشىلارى مارافونشىنى وبلىس ورتالىعىمەن الىپ ءوتىپ، كەلەسى نۇكتەگە دەيىن شىعارىپ سالدى. باۋىرجان ابدىقايىممەن بىرگە ولار 20 شاقىرىم جۇگىرىپ، جەڭىل اتلەتكە قولداۋ كورسەتتى.
تاۋەلسىزدىك ستەلاسىنان باستاپ، سەرىك ساپييەۆ اتىنداعى بوكس ورتالىعىنا دەيىن، سونداي-اق قاراعاندى مەملەكەتتىك مەديسينا ۋنيۆەرسيتەتىندە قالا بويىنشا جۇگىرەتىن سپورتشىلار ءۇشىن «اشىق دالىزدەر» ۇيىمداستىرىلدى. ستۋدەنتتەر، اسكەري قىزمەتشىلەر مەن قالا تۇرعىندارى باۋىرجان ءابدىقايىمعا قوشەمەت كورسەتتى.
ۋلترامارافونشىنىڭ ەندىگى باعىتى – وساكاروۆكا. باۋىرجان ابدىقايىممەن بىرگە دارىگەرلەر، ماسساجيستەر، جاتتىقتىرۋشىلار، اسكەري پوليسەيلەر جانە قازاقستان رەكوردتار كىتابىنىڭ وكىلدەرى ەرىپ ءجۇر.
ءار ەلۋ شاقىرىم سايىن ول تاماقتانۋ ءۇشىن ون مينۋتقا ايالدايدى.
وتان قورعاۋشىلار كۇنى مەن جەڭىس كۇنىنە ارنالعان ءىس-شارانى ۇيىمداستىرۋشىلاردىڭ ايتۋىنشا، باۋىرجان ءابدىقايىم ءوز بابىندا، كوڭىل-كۇيى دە جاقسى. ول مارافوندى 6 مامىر كۇنى استانادا اياقتاۋعا نيەتتى.
ەلىمىزدىڭ قارۋلى كۇشتەرىندە ءوز رەكوردتارىن اتاۋلى كۇندەر مەن مەملەكەتتىك مەرەكەلەرگە ارناۋ ءداستۇرى قالىپتاسقانىن اتاپ وتكەن ءجون.