بوكستان ءاچ: جۇڭگو قۇرامىنداعى قازاق جىگىتى الەمنىڭ ۆيسە-چەمپيونىن ۇتتى (ۆيدەو)

قازاق جىگىتى اسا اۋىر سالماقتا ارمەنيالىق داۆيد چالويانمەن جۇدىرىقتاستى

وزبەكستان استاناسى تاشكەنتتە بوكستان ەرلەر اراسىندا ءوتىپ جاتقان الەم چەمپيوناتىندا جۇڭگو قۇراماسىندا ونەر كورسەتەتىن دانابەك بايعازى (دانابيەكە بايكيەۆۋزي) كۇتپەگەن ناتيجەگە قول جەتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاق جىگىتى اسا اۋىر سالماقتا (+92 كگ) ارمەنيالىق داۆيد چالويانمەن جۇدىرىقتاستى.

بۇل جەكپە-جەكتە فاۆوريت سانالعان د.چالوياننىڭ باسقا اتاقتارىن ايتپاعاندا، ول 2021 جىلعى الەم چەمپيوناتىنىڭ كۇمىس جۇلدەگەرى ەدى. سوعان قاراماستان، اۋىر سوققىلار وتكىزگەن ارمەنيالىق سپورتشى ءبىرىنشى راۋندا ايقىن ۇتىلدى – 0:5. ەكىنشى كەزەڭدە ەسە قايىرعانداي كورىنگەنىمەن، تورەشىلەر جەكپە-جەك قورىتىندىسىنا سايكەس جەڭىستى دانابەككە بەردى.

جالپى، وسى چەمپيوناتتا ۇلتى قازاق بوكسشىلار مەن باپكەرلەر باسقا دا قۇرامالاردا بار.

اسا اۋىر سالماقتا بۇگىن قازاقستاندىق قامشىبەك قوڭقابايەۆ رينگكە شىعادى. ونىڭ قارسىلاسى – رەسەيلىك الەكسەي ەگوروۆ. ەگەر ا.ەگوروۆتى ۇتسا، قامشىبەك شيرەك فينالدا وليمپيادا چەمپيونى، وزبەكستاندىق باحودير جالولوۆپەن قولعاپ ءتۇيىستىرۋى مۇمكىن.

ەسكە سالا كەتەيىك، بۇدان بۇرىن بوكستان الەم چەمپيوناتىندا ساعىندىق توعامبايدىڭ قارسىلاسىن نوكاۋتپەن ۇتقانىن جازعان بولاتىنبىز.

سونداي-اق ءساناتالى تولتايەۆ كەلەسى كەزەڭگە جولداما الدى.

تالعات سىرىمبەتوۆ ازيا چەمپيونىنا جول بەردى.

ءساناتالى تولتايەۆ جارىس جولىنان شىعىپ قالدى.