كيلاۋەا — الەمدەگى ەڭ بەلسەندى جانارتاۋلاردىڭ ءبىرى، ول گاۆاي ارحيپەلاگىنىڭ ۇلكەن ارالىندا ورنالاسقان.
جانارتاۋ 23 جەلتوقسان كۇنى تاڭەرتەڭ اتقىلاي باستادى. قازىرگى ۋاقىتتا لاۆانىڭ گەيزەرلەرى 80 مەتردەن اسا بيىكتىككە جەتىپ، اۆياسيالىق ءقاۋىپ دەڭگەيى قىزىل بەلگىگە دەيىن كوتەرىلدى دەپ حابارلايدى اقش گەولوگيالىق قىزمەتى
كراتەر ۇلتتىق پاركتىڭ جابىق ايماقتارىندا ورنالاسقاندىقتان، لاۆانىڭ جەرگىلىكتى تۇرعىندارعا ءقاۋپى جوق. دەگەنمەن، ساراپشىلار ۆۋلكاندىق ءتۇتىننىڭ ءقاۋىپى تۋرالى ەسكەرتۋدە. ونىڭ قۇرامىنداعى كۇكىرت ديوكسيدى جۇرەك-قان تامىرلارى جانە تىنىس الۋ اۋرۋلارى بار ادامدار ءۇشىن زياندى بولۋى مۇمكىن.
جانارتاۋدىڭ بەلسەندىلىگىن ونىڭ كراتەرىنە ورناتىلعان بەينەكامەرالار ارقىلى باقىلاۋعا بولادى.
كيلاۋەانىڭ سوڭعى اتقىلاۋى بيىلعى جىلدىڭ قىركۇيەك جانە ماۋسىم ايلارىندا تىركەلگەن.
كەرەك دەرەك
كيلاۋەا - وت قۇدايىنىڭ مەكەنى
- ورنالاسقان جەرى: گاۆاي ارالدارى، ۇلكەن ارال.
- ءتۇرى: قالقاندى جانارتاۋ.
- ەرەكشەلىگى: الەمدەگى ەڭ بەلسەندى جانارتاۋلاردىڭ ءبىرى.
- سوڭعى اتقىلاۋى: 2024 جىلدىڭ 23 جەلتوقسانىندا باستالدى. لاۆانىڭ بيىكتىگى 80 مەترگە جەتتى.
- قاۋىپتەر: كۇكىرت ديوكسيدىنەن تۋىندايتىن ۆۋلكاندىق تۇمان (ۆوگ) تىنىس الۋ جانە جۇرەك-قان تامىرلارى اۋرۋلارى بار ادامدارعا زياندى.
- عىلىمي ماڭىزى: جانارتاۋلىق پروسەستەردى زەرتتەۋ ءۇشىن ماڭىزدى نىسان.
قىزىقتى دەرەك: كيلاۋەا گاۆاي ميفولوگياسىندا وت قۇدايى پەلە مەكەنى دەپ ەسەپتەلەدى.