سەرتيفيكات العاننان كەيىن تۇراقتى جۇمىسقا ورنالاسادى.
جۇمىسپەن قامتۋ جانە كاسىپكەرلىكتى دامىتۋعا باعىتتالعان «ەڭبەك» مەملەكەتتىك باعدارلاماسى اياسىندا جارتى جىلدا 603 الماتىلىق وقۋ كۋرستارىنان وتكەن. جوسپار بويىنشا بيىل 1000 ادامدى وقىتۋ كەرەك، دەپ حابارلايدى Almaty-akshamy.kz Almaty.tv سايتىنا سىلتەمە جاساپ.
كۋرستىڭ ۇزاقتىعى ءۇش اي. وسى ۋاقىتتا وندىرىستىك تاجىريبەدەن ءوتىپ، وزدەرىن جاقسى قىرىنان كورسەتۋگە دە مۇمكىندىك العان. سونداي-اق، بالالارى بار انالار ءۇشىن ارنايى جاعداي جاسالعان. ورتالىقتا ولارعا ءاعىلشىن ءتىلى، ماتەماتيكا، شاحمات سىنىپتارى ۇيىمداستىرىلادى.
«بىزدە وقىتۋ كۋرستارىنان وتكەندەردىڭ بارلىعى جۇمىسقا ورنالاسادى دەپ سەنىمدى تۇردە ايتا الامىن. ويتكەنى ولاردى مىقتى تۇرىك اسپازى وقىتىپ جاتىر. ءقازىردىڭ وزىندە بەلدى مەيرامحانالاردىڭ اسپازشىلارى ولارعا قىزىعۋشىلىق تانىتىپ، جۇمىسقا الۋعا دايىن وتىر»، – دەدى وقۋ ورتالىعىنىڭ باسشىسى ءبيبىنۇر شەرالييەۆا.
«ەڭبەك» باعدارلاماسىنا قاتىسقىسى كەلەتىندەر جۇمىسپەن قامتۋ ورتالىعىنا بارىپ، «جۇمىسسىز» ستاتۋسىن يەلەنىپ، نيەتىن بىلدىرسە، جەتكىلىكتى. بۇگىندە 41 ماماندىق بويىنشا وقىتۋ كۋرستارى بار، ۇزاقتىعى 1 ايدان 3 ايعا دەيىن. قاتىسۋشىلارعا 20 مىڭ 949 تەڭگە كولەمىندە شاكىرتاقى تولەنەدى. كۋرس اياقتالعان سوڭ كاسىبي بىلىكتىلىكتى ارتتىرۋ تۋرالى سەرتيفيكات بەرىلەدى.
«سەرتيفيكات العاننان كەيىن تۇراقتى جۇمىسقا ورنالاسادى نەمەسە ءوزىنىڭ بيزنەس جوسپارىن قورعاپ، 200 ايلىق ەسەپتىك كورسەتكىش كولەمىندە گرانت ۇتىپ الۋعا مۇمكىندىگى بار. ءبىز ءار ادامدى جەكە باقىلاپ وتىرامىز. سونداي-اق، وقىتۋ ورتالىقتارىنىڭ جۇمىسىنىڭ دۇرىس ۇيىمداستىرىلۋىن دا باقىلاپ وتىرامىز»، – دەدى جۇمىسپەن قامتۋ ورتالىعى ۋاقىتشا جۇمىس ورىندارى ءبولىمىنىڭ باسشىسى گاۋھار اۋەلوۆا.