تاجىكستان قازاقستانعا بەرەتىن سۋ دەڭگەيىن ۇلعايتتى

قازاقستان جاعى تاجىكستان تاراپىنا العىس ءبىلدىردى.

قازاقستان مەن تاجىكستان ۇكىمەتىنىڭ مۇشەلەرى ارنايى كەزدەسىپ، ەكى ەلدىڭ سۋ شارۋاشىلىعىنىڭ ماسەلەلەرىن تالقىلادى، دەپ حابارلايدى Almaty-akshamy.kz.

«قازاقستاندىق تاراپ باحري-توچيك سۋ قويماسىنان سۋ تاستاۋدى ۇلعايتقانى ءۇشىن تاجىك تاراپىنا العىس ءبىلدىردى. ماسەلەن، تۇركىستان وبلىسىنىڭ اۋىل شارۋاشىلىعى تاۋار وندىرۋشىلەرىن سۋمەن قامتاماسىز ەتۋ ماقساتىندا «دوستىق» كانالىنىڭ قازاقستاندىق بولىگىنە سۋ بەرۋ 80 م3/س-نان 100 م3/س-قا دەيىن ۇلعايتىلدى»،– دەلىنگەن ەكولوگيا، گەولوگيا جانە تابيعى رەسۋرستار مينيسترلىگىنىڭ باسپا ءسوز قىزمەتىنىڭ حابارلاماسىندا.

رەسمي اقپارات بويىنشا، قازاقستان رەسپۋبليكاسى مەن تاجىكستان رەسپۋبليكاسىنىڭ پرەمەر-مينيسترلەرى تەلەفون ارقىلى سويلەسۋ قورىتىندىسى بويىنشا قول جەتكىزىلگەن ۋاعدالاستىققا سايكەس، 26 شىلدەدە دۋشانبە قالاسىندا قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى ماعزۋم مىرزاعالييەۆتىڭ تاجىكستان رەسپۋبليكاسىنىڭ ەنەرگەتيكا جانە سۋ شارۋاشىلىعى ءمينيسترى دالەر دجۋمامەن ەكىجاقتى كەزدەسۋى وتكەن.

تاراپتار سىرداريا وزەنىنىڭ ورتا جانە تومەنگى اعىسىنداعى سۋ شارۋاشىلىعى جاعدايىن جاقسارتۋ جونىندەگى بىرلەسكەن شارالاردى جالعاستىرۋعا كەلىستى.