ەڭبەك ادامى
كۇندەلىكتى پايدالانىپ جۇرگەن سەللوفان پاكەتتەردى ەندى سۋدا ەرىتىپ جىبەرۋگە بولادى. وسكەمەندىك عالىم بيوىدىراعىش پوليەتيلەن ويلاپ تاپتى.
ناريمان قايىربەكوۆ: «بۇل ەكو-باستامانى تاۋار قاپتامالارىن شىعارۋ وندىرىسىندە كەڭىنەن قولدانىسقا ەنگىزۋ كەرەك»، - دەپ وتىر. ويتكەنى كۇنباعىس تۇقىمى مەن دالالىق وسىمدىكتەردىڭ ساباعىنان جاسالاتىن پاكەتتەردىڭ قورشاعان ورتاعا زيانى جوق.
جوبانى ءىرى وندىرىستىك جەلىگە قوسۋ ءۇشىن ارنايى قوندىرعىلار قاجەت. عالىم كەرەكتى تەحنيكاعا عىلىم جانە جوعارى ءبىلىم مينيسترلىگىنىڭ گرانتى ارقىلى قول جەتكىزۋدى جوسپارلاپ ءجۇر. بۇل وتە وزەكتى ماسەلەلەردى شەشۋگە مۇمكىندىك بەرمەك. ماسەلەن، جىل سايىن مۇحيتتارعا 6 ميلليون تونناداي قوقىس تاستالادى ەكەن. سونىڭ باسىم بولىگى - سەللوفان ونىمدەرى.
- جوبامىز بويىنشا مەملەكەتتىك گرانتقا ۇمىتكەر رەتىندە ۇسىنىس تاستاعان بولاتىنبىز. ەگەر دە گرانت ۇتىپ جاتاتىن بولساق، تولىعىمەن كوممەرسياليزاسيالىق تۇرعىدا ۇلكەن ماسشتابتا قازاقستاندىق ءونىم پوليەتيلەنگە بالاما پوليمەر شىعارۋعا بولادى. ويتكەنى ءبىزدىڭ الۋ مەتوديكامىز تولىعىمەن قامتىلعان، تولىعىمەن جاسالعان بولىپ تۇر، - دەيدى س.امانجولوۆ اتىنداعى شقۋ كىشى عىلىمي قىزمەتكەرى ناريمان قايىربەكوۆ