وسكەمەن قالاسىندا جوعالىپ كەتكەن 10 جاسار بالا تابىلدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
قالالىق پوليسيا باسقارماسى باسپا ءسوز قىزمەتىنىڭ مالىمەتىنە سۇيەنسەك، 5 ءساۋىر كۇنى ساعات 16.50-دە «102» جەدەل ارناسىنا جەرگىلىكتى تۇرعىن قوڭىراۋ شالدى.
ءوز سوزىندە ول 10 جاسار ۇلىنىڭ جوعالىپ كەتكەنىن جەتكىزگەن.
اناسىنىڭ ايتۋىنشا، بالاسى دالاعا ۆەلوسيپەد تەبەمىن دەپ كەتىپ، كوزدەن تاسا بولعان. ايەل ادام ءوزى تابۋعا تىرىسقانىمەن ەش ناتيجە شىقپادى.
سودان كەيىن ول پوليسيا قىزمەتكەرلەرىنەن كومەك سۇراعان. حابار تۇسكەن بويدا پوليسەيلەر دەرەۋ جوعالعان بالانى ىزدەۋگە كىرىستى.
«ءتارتىپ ساقشىلارى جاقىن ماڭداعى كوشەلەر مەن اۋلالاردى مۇقيات ارالاپ، كۋاگەرلەر مەن ءوتىپ بارا جاتقان ادامدارمەن سويلەسىپ، بەينەباقىلاۋ كامەرالارىن قاراپ شىقتى. ناتيجەسىندە جەدەل باسقارۋ ورتالىعى كامەرالارىنىڭ كومەگىمەن بالا كورشى اۋلالاردىڭ بىرىنەن تابىلدى. قازىرگى ۋاقىتتا وقۋشى اتا-اناسىنا جەتكىزىلدى»، - دەدى باسقارما باستىعى اندرەي مۋلا.