شاردارا سۋ قويماسىندا زاڭسىز بالىق اۋلاۋشىلارعا توسقاۋىل بولماي تۇر.
تۇركىستان وبلىسىنداعى شاردارا سۋ قويماسىندا زاڭسىز بالىق اۋلاۋشىلارعا توسقاۋىل بولماي تۇر. ءقازىر بالىقتاردىڭ ۋىلدىرىق شاشاتىن كەزى ەكەنىنە قاراماستان، براكونەرلەر بۇل تالاپتارعا باعىنباي كەلەدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
سالا ماماندارى 20 مامىرعا دەيىن بالىق اۋلاۋعا تىيىم سالىنعانىن ايتادى. الايدا رەيد كەزىندە جەرگىلىكتى تۇرعىنداردىڭ، اسىرەسە، تۇنگى ۋاقىتتا اۋ سالاتىنى انىقتالعان. ناتيجەسىندە زاڭ بۇزۋشىلارعا قاتىستى 65 اكىمشىلىك حاتتاما تولتىرىلىپ، 7 قىلمىستىق ءىس قوزعالدى. كەلگەن شىعىن كولەمى - 4،5 ملن تەڭگە.
ينسپەكتورلاردىڭ ايتۋىنشا، حالىق زاڭدى دۇرىس بىلمەگەندىكتەن، ءجيى زاڭبۇزۋشىلىققا بارادى.
سونداي-اق، سۋ قورىقشىلارىنىڭ براكونەرلەرمەن تامىر-تانىس بولۋى دا سەبەپ بولىپ جاتادى.
«سۋ قورىقشىلارى دا، زاڭسىز بالىق اۋلاۋشىلار دا - وسى اۋماقتىڭ، جاقىن اۋدانداردىڭ ازاماتتارى. تانىس بولعان سوڭ، سىبايلاستىققا، اعايىن-تۋىستىققا جول بەرىلىپ جاتادى. ءقازىر قارماقپەن بالىق اۋلاعان جاعدايدا، ق ر اقبتك 383-بابىنا سايكەس، جاۋاپكەرشىلىككە تارتىلىپ، 10 ايلىق ەسەپتىك كورسەتكىشتەن 20 ايلىق ەسەپتىك كورسەتكىشكە دەيىن ايىپپۇل سالىنادى. ال، توقپەن نەمەسە شانىشقىمەن اۋلاعان جاعدايدا قىلمىستىق جاۋاپكەرشىلىككە تارتىلاتىن بولادى»، - دەيدى ارال-سىرداريا بالىق شارۋاشىلىعى باسسەينى تۇركىستان وبلىسى بويىنشا ينسپەكسياسى ءبولىمى باسشىسىنىڭ ورىنباسارى مەيىرجان ومىرالييەۆ.