قما شقو بويىنشا دەپارتامەنتى باس كولىك پروكۋراتۋراسىنىڭ ۇيلەستىرۋىمەن «وسكەمەن اۋەجايى» اق باسشىلىعىنا قاتىستى قىزمەتتىك وكىلەتتىكتەرىن اسىرا پايدالانۋ، اسا ءىرى كولەمدە سەنىپ تاپسىرىلعان مۇلىكتى يەمدەنۋ جانە قىلمىستىق جولمەن الىنعان قاراجاتتى زاڭداستىرۋ دەرەگى بويىنشا تەرگەۋدى اياقتادى، - دەپ حابارلايدى aqshamnews.kz.
"بەس جىل بويى اكسيونەرلىك قوعامنىڭ بۇرىنعى پرەزيدەنتى مەن وزگە دە لاۋازىمدى تۇلعالارى ەڭبەكاقىنى نەگىزسىز كوبەيتۋ، جالعان سىياقىلار مەن جالعان شارتتار جاساۋ ارقىلى جۇيەلى تۇردە اقشا جىمقىرعان. جىمقىرىلعان قاراجات كەيىن كاسسا ارقىلى قولما-قول اقشاعا اينالدىرىلعان"، - دەلىنگەن حابارلامادا.
قوعامعا تيەسىلى كولىك قۇرالدارى بۋحگالتەرلىك ەسەپتەن شىعارىلىپ، نارىقتاعى قۇنىنان بىرنەشە ەسە تومەن باعامەن سەنىمدى تۇلعالارعا ساتىلعان.
سونىمەن قاتار، قوعامنىڭ كوممەرسيالىق نىساندارى جەڭىلدەتىلگەن شارتتارمەن جالعا بەرىلگەنى انىقتالدى: ياعني، جالداۋ اقىسى تومەندەتىلىپ، ناقتى جالعا بەرىلگەن اۋماق ازايتىلىپ كورسەتىلگەن.
مەملەكەتكە كەلتىرىلگەن جالپى زالال 157 ملن تەڭگە بولدى.
مەملەكەتكە كەلتىرىلگەن جالپى زالال 157 ملن تەڭگە بولدى.
سوت سانكسياسىمەن كۇدىكتىلەردىڭ 126 ملن تەڭگە كولەمىندەگى مۇلكىنە (4 پاتەر، جەر ۋچاسكەسى جانە 2 اۆتوكولىك) تىيىم سالىندى.
كۇدىكتىلەر قاماۋعا الىندى.
ق ر قپك-نىڭ 201-بابىنا سايكەس وزگە اقپارات جاريا ەتىلمەيدى.
كۇدىكتىلەر قاماۋعا الىندى.
ق ر قپك-نىڭ 201-بابىنا سايكەس وزگە اقپارات جاريا ەتىلمەيدى.