وسك ءماجىلىستىڭ جاڭادان سايلانعان دەپۋتاتتارىن رەسمي تىركەدى

بۇگىن ولارعا كۋالىك پەن توسبەلگى تابىستالدى. 

ق ر ورتالىق سايلاۋ كوميسسياسى 2023 جىلعى 19 ناۋرىزدا سايلانعان قازاقستان رەسپۋبليكاسى پارلامەنتى ءماجىلىسى دەپۋتاتتارىن تىركەدى، دەپ حابارلايدى Almaty-akshamy.kz

"پارلامەنت دەپۋتاتىنىڭ وكىلەتتىگى ورتالىق سايلاۋ كوميسسياسى پارلامەنت دەپۋتاتى رەتىندە تىركەگەن كەزدەن باستالادى. "سايلاۋ تۋرالى" كونستيتۋسيالىق زاڭنىڭ نورمالارىنا سايكەس،  ءوز وكىلەتتىكتەرىنە سايكەس وسك VIII سايلانىمنىڭ پارلامەنت ءماجىلىسىنىڭ دەپۋتاتتارىنا ءتيىستى شەشىمدەرىنىڭ جوبالارىن ازىرلەدى، ول الدىن الا پىسىقتالعان دا بولاتىن"، - دەدى وسك ءتوراعاسى نۇرلان ءابدىروۆ.

وسك حاتشىسى مۇحتار ەرمان 6 پارتيانىڭ قۇجاتتارى 27-28 ناۋرىزدا وسك-عا ۇسىنىلعانىن مالىمدەدى.

"زاڭعا سايكەس، وسك سايلانعان ءماجىلىس دەپۋتاتتارىن تىركەيدى. "سايلاۋ تۋرالى" كونستيتۋسيالىق زاڭدا وسك جاڭادان سايلانعان ءماجىلىس دەپۋتتارىنا  كۋالىكتەرىن تابىستاپ، ومىراۋعا تاعىلاتىن بەلگىلەر تاپسىرۋ كوزدەلگەن. VIII سايلانىمنىڭ دەپۋتاتتارىن تىركەي جانە  ءبىر مانداتتى وكرۋگتەردەن سايلانعاندارعا وسك-نىڭ قاۋلىلار جوبالارى دايىندالدى"، - دەدى م.ەرمان.