ەندى شەتەلدىكتەر جسن الۋ ءۇشىن كەز كەلگەن حقو-عا نەمەسە «بانك سەنتر كرەديت» بولىمشەلەرىنە جۇگىنە الادى.
«ازاماتتارعا ارنالعان ۇكىمەت» مەملەكەتتىك كورپوراسياسىنىڭ الماتى قالاسى بويىنشا فيليالى جەتىسۋ اۋدانىندا اشىلعان كۇشەيتىلگەن حقو-نىڭ جۇمىسىن توقتايتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازىرگى كەزدە شەتەل ازاماتتارى تاراپىنان جسن الۋشىلار قاتارى ازايۋىنا وراي، بۇگىننەن، ياعني 8 قاراشادان باستاپ الماتىدا اشىلعان كۇشەيتىلگەن حقو جابىلدى. ەندى شەتەلدىكتەر جسن الۋ ءۇشىن كەز كەلگەن حقو-عا نەمەسە «بانك سەنتر كرەديت» بولىمشەلەرىنە جۇگىنە الادى»،- دەپ حابارلادى «ازاماتتارعا ارنالعان ۇكىمەت» مەملەكەتتىك مەكەمەسىنىڭ باسپا ءسوز قىزمەتى.
ەسكە سالايىق، شەتەل ازاماتتارىنىڭ اعىلىپ كەلۋىنە وراي، حالىققا قىزمەت كورسەتۋ ورتالىعى كەلۋشىلەرگە قولايلى جاعداي جاساۋ ماقساتىندا جەكە سايكەستەندىرۋ نومەرىن راسىمدەۋ ءۇشىن، «قۇلاگەر» ىقشاماۋدانىندا كۇشەيتىلگەن حقو اشقان بولاتىن.