ءىلياس وسەروۆ بۇرىن ۇلتتىق ەكونوميكا ۆيسە-مينيسترى جانە الماتى اكىمىنىڭ ورىنباسارى قىزمەتىن اتقارعان.
بۇرىنعى ۇلتتىق ەكونوميكا ۆيسە-مينيسترى جانە الماتى اكىمىنىڭ بۇرىنعى ورىنباسارى ءىلياس وسەروۆ 5 جىلعا باس بوستاندىعىنان ايىرىلدى، - دەپ حابارلايدى Almaty-akshamy.kz
ءىس مەدەۋ اۋداندىق №2 سوتىندا قارالدى.
2023 جىلدىڭ ساۋىرىندە انتيكور سول كەزدە ۇلتتىق ەكونوميكا ۆيسە-مينيسترى بولعان ءىلياس وسەروۆكە قاتىستى سوتالدى تەرگەۋ باستالعانىن حابارلادى. ونىمەن قاتار بۇل ءىس بويىنشا تاعى ەكى ادام بار – ۇقكد ورىنباسارى م. مەن مەملەكەتتىك اكتيۆتەر باسقارماسىنىڭ باستىعى ك.
الماتى قالالىق سوتىنىڭ باسپا ءسوز قىزمەتى ولاردىڭ تاركىلەنگەن مۇلىكتى ۇرلاعانى ءۇشىن سوتتالعانىن حابارلادى. رەسمي تۇردە ولارعا ق ر قىلمىستىق كودەكسىنىڭ "الاياقتىق" جانە "الاياقتىققا كومەكتەسۋ" باپتارى بويىنشا ايىپ تاعىلدى.
سوت "ۇقكد ورىنباسارى م. الداۋ ارقىلى الماتى قالاسى اكىمىنىڭ ورىنباسارى ۋ. مەن مەملەكەتتىك اكتيۆتەر باسقارماسى باسشىسى ك.-نىڭ كومەگى ارقىلى سوتتىڭ ۇكىمى بويىنشا كورىنەۋ تومەندەتىلگەن قۇنى بويىنشا تاركىلەنگەن 5 مۇلىك وبەكتىسىن يەمدەنگەنىن" انىقتادى.
"ايىپتالۋشىلاردىڭ ايىپتالعان ارەكەتتەردى جاساۋداعى كىناسى ءىس بويىنشا جينالعان دالەلدەمەلەرمەن، كۋاگەرلەردىڭ ايعاقتارى، سوت ساراپتامالارىنىڭ قورىتىندىلارى، اۋديتورلىق قورىتىندىمەن دالەلدەندى. سوت ۇكىمى بويىنشا، م.، ءوزىنىڭ قىزمەت بابىن پايدالانا وتىرىپ، بوتەننىڭ مۇلكىن اسا ءىرى مولشەردە ۇرلاۋ نەمەسە بوتەننىڭ مۇلكىنە قۇقىقتى اسا ءىرى مولشەردە يەمدەنۋ، ال ۋ. مەن ك.، مەملەكەتتىك لاۋازىمدى اتقاراتىن جانە ءوزىنىڭ قىزمەتتىك وكىلەتتىكتەرىن پايدالانا وتىرىپ، الاياقتىققا جاردەمدەسكەنى ءۇشىن كىنالى دەپ تانىلدى"، - دەپ حابارلادى الماتى سوتىنىڭ باسپا ءسوز قىزمەتى.
وسىلايشا، سوت اقپاراتى بويىنشا ۇقكد ەكس-ورىنباسارى م. 8 جىلعا باس بوستاندىعىنان ايىرۋ جازاسى تاعايىندالدى. مەملەكەتتىك اكتيۆتەر باسقارماسىنىڭ بۇرىنعى باسشىسى ق. جانە الماتى اكىمى ءىلياس وسەروۆكە مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ، 5 جىلعا باس بوستاندىعىنان ايىرۋ تاعايىندالدى.
ايىپتالۋشىلاردىڭ بارلىعى كىناسىن مويىندامادى. ۇكىم زاڭدى كۇشىنە ەنگەن جوق.
ءىلياس وسەروۆ 2019-2022 جىلدار ارالىعىندا الماتى قالاسى اكىمىنىڭ ورىنباسارى قىزمەتىن اتقارعان. 2022 جىلدىڭ مامىرىندا ول ۇلتتىق ەكونوميكا ۆيسە-مينيسترى بولىپ تاعايىندالدى.
2015-2019 جىلدارى الماتى ەكونوميكا جانە بيۋدجەتتىك جوسپارلاۋ باسقارماسى باسشىسىنىڭ ورىنباسارى، باسشىسى قىزمەتتەرىن اتقارعان.