جوگوركۋ كەنەش دەپۋتاتى تازابەك يكراموۆ قارت اتا-انالار ءۇشىن ەڭبەككە جارامدى بالالاردىڭ جاۋاپكەرشىلىگىن كۇشەيتۋدى ۇسىنىپ وتىر. ول ءتيىستى زاڭ جوباسىن پارلامەنتتىڭ كونستيتۋسيالىق زاڭناما، مەملەكەتتىك قۇرىلىم، سوت-قۇقىقتىق ماسەلەلەر جانە رەگلامەنت جونىندەگى كوميتەتىنىڭ وتىرىسىندا تانىستىردى، دەپ حابارلايدى Almaty-akshamy.kz 24.kg-گە سىلتەمە جاساپ.
حالىق قالاۋلىسى قىلمىستىق جانە وتباسى كودەكستەرىنە جانە «مەملەكەتتىك قىزمەت جانە مۋنيسيپالدىق قىزمەت تۋرالى» زاڭعا وزگەرىستەر ەنگىزۋدى ۇسىنىپ وتىر.
بۇگىندە قارت اتا-انانى قارتتار ۇيىنە قالدىرۋ قالىپتى جاعدايعا اينالدى.
«الەۋمەتتىك مەكەمەلەردەگى قارتتاردىڭ سانى ارتىپ كەلەدى. ولار ءارتۇرلى سەبەپتەرمەن سوندا كەلەدى، ءبىراق سول الەۋمەتتىك مەكەمەدە قالۋدى ءجون سانايدى. اتا-اناسىن تاستاپ كەتكەن ازاماتتاردى جاۋاپقا تارتۋ ءۇشىن سوت شەشىمى قاجەت. ءبىراق ءىس جۇزىندە بىردە-بىر اتا-انا بالاسىنا ارىزدانبايدى. بۇل زاڭ جوباسى قابىلدانعان كەزدە ادام قارتتار ۇيىنە كىرگەن كەزدە مەكەمە باسشىلىعى اۆتوماتتى تۇردە قۇقىق قورعاۋ ورگاندارىنا ارىز جىبەرىپ، ءىس سوتتا قارالادى»، - دەدى ول.
دەپۋتات اتا-اناسىن قارتتار ۇيىنە قالدىرعان ازامات جاۋاپكەرشىلىككە تارتىلسا، ايىپپۇلدى 50 مىڭنان 100 مىڭ سومعا دەيىن كوتەرۋدى ۇسىنىپ وتىر. بۇل نورما قىرعىز رەسپۋبليكاسى قىلمىستىق كودەكسىنىڭ 179-بابى «بالالاردىڭ اتا-اناسىن اسىراۋدان جالتارۋى» دەپ كورسەتىلگەن.
كوميتەت مۇشەلەرى زاڭ جوباسىن ءبىرىنشى وقىلىمدا ماقۇلدادى.