حالىقتى ورتالىقتاندىرىلعان سۋمەن قامتۋ جانە كاناليزاسيا اۋداندى ءساتتى دامىتۋدىڭ ماڭىزدى اسپەكتىلەرىنىڭ ءبىرى بولىپ تابىلادى
اقجار جانە شۇعىلا شاعىن اۋداندارىنىڭ تۇرعىندارى 20 جىلعا جۋىق ۋاقىت بويى كوكتەمگى-جازعى كەزەڭدە اۋىز سۋ تاپشىلىعىنىڭ زاردابىن تارتىپ كەلدى، دەپ حابارلايدى Almaty-akshamy.kz.
وسى تۇرعىنداردىڭ ءجيى جىبەرگەن وتىنىشتەرىن ەسكەرە كەلە، اكىمدىك جەكە ينۆەستور «Qazaq Stroyدى» تارتا وتىرىپ، جوبا ازىرلەندى، وسى جىلدىڭ ناۋرىز ايىنان باستاپ 6 اي بويى ىسكە اسىرىلدى. 5،4 شاقىرىم ماگيسترالدى سۋ قۇبىرى، سورعى ستانسياسى جانە سۋ رەزەرۆۋارلارى سالىندى. وسى جىلعى 1 تامىزدان باستاپ ابونەنتتەر قوسىلا باستادى. 22 مىڭنان استام تۇرعىن ورتالىقتاندىرىلعان سۋعا قول جەتكىزەتىن بولادى، دەدى قالا اكىمى ە.دوسايەۆ ناۋرىزباي اۋدانى تۇرعىندارىمەن كەزدەسۋىندە.
ينجەنەرلىك جەلىلەردىڭ ەكىنشى كەزەگىنىڭ جوباسى اياقتالعاننان كەيىن وسى شاعىن اۋدانداردىڭ تاعى 13 مىڭ تۇرعىنى ساپالى سۋمەن قامتاماسىز ەتىلەدى. سونداي-اق، 2024 جىلى ەكىنشى كاسكادتى سورعى ستانسياسى مەن كونتر-رەزەرۆۋار سالۋ ارقىلى تاۋجولى، جوعارعى جانە تومەنگى تاستىبۇلاق شاعىن اۋداندارىنىڭ تۇرعىندارىن (شامامەن 20 مىڭ تۇرعىن) سۋمەن قامتۋ مۇمكىندىگى پىسىقتالۋدا. جوبا 2024 جىلعى III توقساندا اياقتالماق.
اقجار، شۇعىلا جانە تاۋسامالى شاعىن اۋداندارىندا دا جالپى ۇزىندىعى 105،9 شاقىرىم بولاتىن (71،6 كم سۋ قۇبىرى، 34،3 كاناليزاسيا) سۋ قۇبىرى جانە كارىز جەلىسىنىڭ قۇرىلىسى جۇرگىزىلۋدە.
اقجار شاعىن اۋدانىندا جوسپارلانعان 34،7 شاقىرىمنىڭ 28 شاقىرىمىنا سۋ قۇبىرى جانە كاناليزاسيا جەلىسى سالىندى. جۇمىستاردى وسى جىلدىڭ سوڭىنا دەيىن اياقتاۋ جوسپارلانۋدا.
شۇعىلا شاعىن اۋدانى بويىنشا وسى جىلدىڭ قىركۇيەگىنە دەيىن 28 شاقىرىم سۋ قۇبىرى جانە كاناليزاسيا جەلىسىنىڭ قۇرىلىسى اياقتالادى. تاۋسامالى شاعىن اۋدانى بويىنشا جوسپارلانعان 43،2 شاقىرىمنىڭ 38،6 شاقىرىمىنا سۋ قۇبىرى جانە كاناليزاسيا جەلىسى سالىندى. وسى جىلدىڭ سوڭىنا دەيىن اياقتاۋ جوسپارلانۋدا.
اتالعان وبەكتىلەردى اياقتاۋ ناۋرىزباي اۋدانىنىڭ شامامەن 55 مىڭ تۇرعىنىن سۋمەن قامتۋ جانە سۋ بۇرۋ قىزمەتتەرىمەن قامتاماسىز ەتۋگە مۇمكىندىك بەرەدى.
مەملەكەتتىك باسقارۋدى دەسەنتراليزاسيالاۋ اياسىندا ينجەنەرلىك جەلىلەردى سالۋ اۋداندىق اكىمدىكتەرگە بەرىلدى. ماسەلەن، ناۋرىزباي اۋدانىنىڭ اكىمدىگى 2024 جىلدىڭ ءىى-شى توقسانىندا اقجار شاعىن اۋدانىندا 44،5 شاقىرىم سۋ قۇبىرى، 37،5 شاقىرىم كارىز جۇيەسى، قاراعايلى شاعىن اۋدانىندا 25 شاقىرىم سۋ قۇبىرى، 23 شاقىرىم كارىز جۇيەسى، تاستىبۇلاق 88 شاقىرىم سۋ قۇبىرى، 57 شاقىرىم كارىز جۇيەسى، تاۋسامالىدا 30 شاقىرىم سۋ قۇبىرى، 30 شاقىرىم كاناليزاسيا شاعىن اۋداندارىندا جاڭا ينجەنەرلىك جەلىلەردى سالىپ باستاۋدى جوسپارلاپ وتىر.